Sölvi Haraldsson @Breiiiiiiiiiii

- Meðalaldur 26 ár

- Meðalaldur 23 ár

Textalýsing Skýrslan Viðtöl

Hvað réði úrslitum? Þetta var kaflaskiptur leikur og bæði lið hefðu getað unnið leikinn en heilt yfir var jafntefli bara frekar sanngjarnt. Framarar fengu færi undir restina en Afturelding var líklegri aðilinn fram að sínu marki heilt yfir. Bestu leikmenn 1. Aron Jóhannsson Var allt í öllu í sóknarleik Aftureldingar í dag. Skoraði eina markið þeirra og skapaði fleiri færi. Hann fékk svosem líka fleiri færi sem hann skapaði sjálfur. Alvöru gæði í þessum leikmanni sem skoraði á móti sínum gömlu félögum. 2. Fred Saraiva Var frábær eins og svo oft áður. Lagði upp mark Róberts með glæsibrag og stýrði spili Framara á miðsvæðinu. Skapaði fullt af færum og var erfiður viðureignar fyrir Aftureldingu. Atvikið Færið sem Freyr Sigurðsson fær í lokin. Er með miklu meiri tíma en hann heldur. Leit út eins og hann hélt að hann væri með mann í bakinu enda skaut hann allt of snemma og bombaði yfir. Get líka nefnt innkastið sem Haraldur tekur í aðdraganda marki Framara. Hann tekur boltann af Fred sem er við það að taka innkastið, kastar inn á, fær hann aftur, finnur Fred sem leggur upp svo markið á Róbert. Mæli með að fólk skoði þetta innkast, vonandi verður það rætt í Innkastinu.

Hvað þýða úrslitin? Framarar eru áfram í 4. sætinu og eru núna 5 stigum á eftir Breiðablik sem er í 3. sæti. Afturelding er í 7. sætinu með 19 stig, jafnmörg stig og Vestri sem er í 6. sætinu en með verri markatölu. Vondur dagur Freyr Sigurðsson fékk afbragðsfæri til þess að vinna leikinn í lokin en skaut allt of snemma. Freyr kom inn með mikinn krafti og hleypti líf í sóknarleik Fram en þarna átti ungi Hornfirðingurinn að skora að mínu mati. Það sást þarna hvað er stutt á milli í fótbolta. Dómarinn - 9 Heilt yfir frábærlega dæmdur leikur hjá Gunnari í dag. Helmingurinn af teyminu hét Gunnar í kvöld sem getur varla klikkað.

- Meðalaldur 27 ár

- Meðalaldur 23 ár