SKÝRSLAN: Liðin deila stigum á grasvellinum
Hvað réði úrslitum?
Þreytan í Víkingum sást vel í þessum leik. FHingarnir voru líka vel mættir í þennan leik gegn Víking og sköpuðu mikla hættu. Mjög jafn leikur sem hefði geta endað sigur fyrir bæði liðin.
Bestu leikmenn
1. Sveinn Gísli Þorkelsson
Var mjög flottur í vörn Víkinga og náði að gera það erfitt fyrir sóknarmenn FHinga. Skoraði líka loka mark leikins til að jafna þetta fyrir Víking
2. Sigurður Bjartur Hallsson
Skoraði tvö mörk gegn Víking og skapaði mikla hættu. Var mjög oft rétt maður á réttum stað, ekki einungis í mörkunum. Þarf að gefa honorable mention á Kjartan Kára sem var líka flottur í dag.
Atvikið
Þetta var mjög áhugaverður leikur þar sem FHingarnar náðu alltaf að komast yfir en svo jöfnuðu Víkingar nokkrum mínútum seinna. Þetta gerðist tvisvar sinnum og var ótrúlegt að sjá Víkinga svara hvert skipti þeir lentu undir.
Hvað þýða úrslitin?
Víkingur situr enn í öðru sæti eftir að eiga séns að fara í fyrsta sæti. FH liggur í 8. sæti með einu stigi í dag.
Vondur dagur
Þetta var mjög jafn leikur og bæði lið stóðu sig vel í dag. Oliver Ekroth var óheppin að missa Sigurð frá sér í fyrsta markinu. Oliver var í smá vandræðum í dag en erfitt að benda á aðra leikmenn í minningunni sem áttu vondan leik í dag.
Dómarinn - 8
Þetta var mjög fínn leikur hjá Ívar og teyminu í dag. Ekki mikið neitt stórt sem gerðist í leiknum og línan var að mestu leiti haldin sú sama alla leikinn. Ívar tók oft langan tíma í að útskýra hluti til leikmenn sem eyðilagði smá flæði leiksins.