Fram nýtti ekki yfirburði sína í fyrri hálfleiknum og var refsað fyrir það. Þeir höfðu tögl og haldir lengi vel en virtust orkulausir er líða fór á síðari hálfleikinn og gekk Stjarnan á lagið og jafnaði nokkuð sanngjarnt.

Stjarnan gerði sterkt tilkall til vítaspyrnu snemma í fyrri hálfleik í stöðunni 0-0 þegar Kyle McLagan fór í glæfralega tæklingu á Andra Rúnar Bjarnason. Hafandi séð endursýningar af atvikinu er ég ekki í vafa um að Arnar Þór hafi þar misst af vítaspyrnu og velti fyrir mér þróun leiksins ef Stjarnan hefði fengið víti og komist yfir á þeim tímapunkti.

Ekkert upp á stöðu liðanna. Bæði fá eitt stig til og sitja í 4.-5. sæti deildarinnar bæði með 25 stig. Baráttan um þetta fjórða sæti sem gæti gefið sæti í Evrópu bara harðnar og harðnar.

Örvar Logi Örvarsson var í bölvuðu brasi í vinstri bakverðinum í slöku Stjörnuliði í fyrri hálfleik þegar heimamenn herjuðu grimmt á hann. Honum líkt og öðrum leikmönnum Stjörnunar óx þó ásmeginn eftir því sem á leið og því ósanngjarnt kannski að skella þessu á hann þó fyrri háfleikur hafi verið slakur. Að sama skapi datt leikur Fram mikið niður er líða fór á seinni hálfleikur og fékk maður á tilfinninguna að þeir væru búnir á því líkamlega eftir orkumikla frammistöðu í fyrri hálfleik. Látum það duga.

Eftir stórfína frammistöðu í fyrri hálfleik hallaði heldur undan fæti hjá Arnari í þeim síðari. Stjarnan gerir tvívegis tilkall til vítaspyrnu í leiknum og miðað við sjónvarpsupptökur sem ég hef þann lúxus að geta notað annað en Arnar er vel hægt að færa rök fyrir því að þau tilköll hafi átt rétt á sér og þá sérstaklega fyrra atvikið. Einnig sveið mér að sjá hann blása of fljótt í flautu sína og spjalda í stað þess að beita hagnaði þegar lið Fram var að komast í vænlega stöðu. En dómarar eru mannlegir og eiga misjafna daga eins og leikmenn og Arnar sem mér finnst hafa tekið stórstigum framförum sem dómari undanfarið ár mun án efa eiga betri dag næst.