SKÝRSLAN: Stjarnan mætti í Víkina og sótti þrjú góð stig
Hvað réði úrslitum?
Víkingur byrjaði leikinn vel en síðan jafnaðist leikurinn og Stjörnumenn fóru með verðskuldað forskot inn til búningsherbegja. Síðari hálfleikurinn byrjaði vel fyrir Víkinga og fengu þeir víti og Stjarnan missti mann af velli, þá hélt maður að Víkingar væru að koma til baka en það var svo alls ekki þannig. Víkingar fengu færi eftir færi eftir færi en Stjörnumenn stungu þá í bakið og refsuðu með tveimur mörkum. Víkingar reyndu að koma til baka en tíminn var of lítill og sterkur sigur Stjörnunnar staðreynd.
Bestu leikmenn
1. Örvar Eggertsson (Stjarnan)
Örvar var frábær í kvöld. Skoraði eitt og lagði upp eitt. Örvar pressar útum allan völl og lætur finna fyrir sér og það er gott að hafa svoleiðis gæja í liðinu hjá þér.
2. Gylfi Þór Sigurðsson (Víkingur R)
Eini sem reyndi hjá Víkingum í kvöld að viti. Var að koma sér og liðsfélögum sínum í færi. Gylfi skoraði bæði mörk Víkinga af vítapunktinum í kvöld.
Atvikið
Rauða spjaldið - Viktor Örlygur fékk boltann innfyrir og Þorri Mar fær beint rautt fyrir að hrinda Viktori Örlyg niður. Atvik sem hafði sem betur fer fyrir Stjörnuna engin áhrif.
Hvað þýða úrslitin?
Stjarnan er komið upp í fjórða sæti deildarinnar með 28.stig - Víkingar eru áfram í öðru sætinu með 32.stig.
Vondur dagur
Atli Þór - Úff sjálfstraustið hjjá honum er lítið og það sást í færunum hans í kvöld.
Dómarinn - 5
Gunnar Oddur og hans menn voru ekkert mjög góðir í kvöld. Skildi ekki alveg línuna hjá honum í kvöld. Spjaldaði á allt sem gerðist á vellinum í kvöld.