Sölvi Haraldsson @Breiiiiiiiiiii

- Meðalaldur 23 ár

- Meðalaldur 21 ár

Textalýsing Skýrslan

Hvað réði úrslitum? Mér fannst þetta vera jafn leikur þangað til seinni hálfleikurinn byrjaði. Blikar fengu urmul af færum og með hreinum ólíkindum að þær voru ekki búnar að klára leikinn. En FH-konurnar eru ólseigar og tóku tvisvar sinnum forystuna í leiknum. Alltaf svöruðu Blikar og skoruðu sigurmarkið undir restina sem mér fannst vera sanngjarnt miðað við gang leiksins. Bestu leikmenn 1. Thelma Karen Pálmadóttir Skorar bæði mörk FH og var hársbreidd frá því að skora þrennu. Var allt í öllu í sóknarleik FH og gerði lífið erfitt á köflum fyrir Blika. 2. Samantha Smith Skorar þetta rándýra sigurmark í framlengingu sem gulltryggir Mjólkurbikarinn fyrir Breiðablik. Var fyrir utan það mjög góð í leiknum og er afar mikilvæg í þessum fótbolta sem Breiðablik spilar. Atvikið Sigurmark Samönthu Smith í framlengingunni. Frábær afgreiðsla hjá henni, sem bara lagði boltann í netið mjög snyrtilega.

Hvað þýða úrslitin? Breiðablik er Mjólkurbikarsmeistari kvenna árið 2025 á meðan FH-ingar þurfa að taka silfrið í ár eftir æsispennandi leik. Svona mega allir bikarúrslitaleikir vera. End to end. Bæði lið vildu vinna. Bæði lið vildu skora. Þetta var alltaf þannig einhvernveginn. Frábær fótbolti, skemmtun og stemning. Vondur dagur Það er mjög erfitt að finna einhvern í þennan dálk enda gífurlega skemmtilegur leikur en ef ég ætti að velja einhvern væri það Margrét Brynja Kristinsdóttir. Var óheppinn í sigurmarki Blika að missa boltann á hættulegum stað sem leiddi til marksins. Dómarinn - 9 Mér fannst þetta fantagóður leikur hjá teyminu. Fáranlega stór ákvörðun sem aðstoðardómarinn tekur undir lok leiks þegar hann dæmir rangstöðu á Örnu Eiríksdóttur sem hélt að hún hafi jafnað leikinn á seinustu mínútu framlengingarinnar. Gott flæði í þessu og almennt frábærlega dæmt.

- Meðalaldur 26 ár

- Meðalaldur 20 ár