SKÝRSLAN: Jafntefli í baráttunni um Breiðholtið
Hvað réði úrslitum?
Mjög kaflaskiptur leikur, ÍR voru betri í fyrri og Leiknir í seinni. ÍRingar voru samt alltaf líklegri til þess að vinna og í síðustu 10 mínútunum þá áttu þeir góð tækifæri til þess að ná forystunni til baka. Ólafur Íshólm með svaka vörslu á 90. mínútu.
Bestu leikmenn
1. Ólafur Íshólm Ólafsson (Leiknir)
Varslan á 90 mínútu var svakaleg og bjargaði Leikni, markið sem hann fékk á sig gat hann lítið gert í en hann varði nokkur 1v1 atvik þar sem ÍR slapp í gegn.
2. Skhelzen Veseli (Leiknir)
Kom inn á og breytti leiknum fyrir Leikni, kom með stoðsendingu en hefði getað verið með fleiri eða jafnvel skorað.
Atvikið
Þriggja manna breytingin hjá Leikni gerði mikið, Leiknir spilaði betur þegar Ágúst gerði breytinguna á liðinu, Veseli spilaði mjög vel og kom með ferska fætur inn á og fékk stoðsendingu en var næstum því búin að skora sigurmarkið á kómískan hátt.
Hvað þýða úrslitin?
ÍR eru í fimmta sæti eftir úrslitin, í umspilsæti en það eru fimm stig á milli fyrsta og fimmta sæti ef Þór sigrar Njarðvík. Leiknir eru í tíunda sæti en það munar bara tveimur stigum milli tólfta og tíunda, þeir fara ekki á botninn eftir að Fjölnir og Selfoss bæði töpuðu en þetta er hættulegt.
Vondur dagur
Vörn Leiknis í dag var ekki upp á marga fiska, sérstaklega í fyrri hálfleik, vörnin var alveg sofandi í marki ÍR í dag og ekki bara í markinu heldur komst ÍR oft í fyrri hálfleik 1v1 á móti markmanni. Leiknir eru heppnir að hafa ekki fengið á sig fleiri mörk í fyrri hálfleik. Vladisavljevic var oft stundum í miklu veseni og átti stundum erfitt með að höndla suma leikmenn ÍR.
Dómarinn - 6
Spjaldaglaður í dag og þau öll áttu að vera gul en það voru nokkur atvik sérstaklega í fyrri hálfleik sem hefði getað verið gul.