SKÝRSLAN: FH með níu putta á Evrópusætinu
Hvað réði úrslitum?
FH voru bara ógeðslega góðar í dag! Komu út í seinni hálfleik og bara gjörsamlega rúlluðu yfir Þróttaraliðið, hefðu auðveldlega getað unnið þennan leik mun stærra ef Mollee hefði ekki varið eins og berserkur fyrir Þróttara.
Bestu leikmenn
1. Thelma Karen Pálmadóttir
Var ógeðslega góð í dag eins og bara allt FH liðið eins og það lagði sig. Thelma hins vegar er líklega með einhverja sturlaða tölfræði eftir þennan leik, átti sprett eftir sprett upp kantinn og engin virðist geta ráðið við hana þegar hún er komin á ferðina. Gríðalega öflugur leikmaður sem hlýtur að vera farin að banka á dyrnar hjá A landsliðinu
2. Margrét Brynja Kristinsdóttir
Var svakalega öflug í dag, sérstaklega í fyrri hálfleik, setti fyrsta markið fyrir FH og var ógeðslega góð í að djöflast á miðjunni hjá FH.
Aðrar sem vert er að nefna eru klárlega Thelma Lóa, Jónína Linnet sem stóðu sig mjög vel í dag. Verð líka að nefna Ingibjörgu sem kom inn á, ungur leikmaður sem verður líklega allt í öllu hjá FH á næsta tímabili!
Atvikið
Verð að nefna markið sem Sierra skoraði fyrir Þrótt en var dæmt af vegna rangstöðu í stöðunni 1-0, mér sýndist það vera tæpur dómur og hefði auðveldlega getað hleypt leiknum upp að fara með 1-1 í hálfleik.
Annars verð ég bara að nefna hvað FH liðið kom ekkert eðlilega vel gírað út í seinni hálfleik , Þróttarar áttu bara ekki séns...
Hvað þýða úrslitin?
Úrslitin þýða það að FH er nú komið þremur stigum yfir Þrótt og með 18 mörk í plús. FH konur eru því ef mætti segja komnar með 9 putta á Evrópusætið sem þessi lið eru að berjast um.
Vondur dagur
Vondur dagur hjá Mist Funadóttur í vörn Þróttar, hún hefur örugglega átt betri dag en að þurfa að hafa hemil á Thelmunum sem voru gjörsamlega frábærar fyrir FH liðið og komust í einar í gegn trekk í trekk. Annars eiginlega bara vondur dagur hjá öllum Þrótturum nema kannski Mollee sem átti góðan leik þrátt fyrir að fá á sig 4 mörk...
Dómarinn - 7
Vel dæmt hjá dómarateyminu í dag, engar stórkostlegar ákvarðanir, set spurningamerki við rangstæðumark Þróttara, það var vel tæpt. Annars bara ljómandi dæmt.