Rosalegur darraðadans inn á teignum. Þór/KA náði einhverjum þremur skotum á markið en varnarmenn Fram komust fyrir, sýndist sóknarmaður flækjast einu sinni fyrir. Þór/KA endar efst í neðri hlutanum, tveimur stigum á undan Fram. Þetta var eina jafntefli Þórs/KA á tímabilinu.

Þremur mínútum bætt við.

Vörn Þór/KA frekar opin. Eyrún Vala Harðardóttir í góðu færi en setur boltann framhjá.

Kimberley Dóra Hjálmarsdóttir slæsar boltann framhjá. Boltinn barst til hennar eftiir að Ellie Rose Moreno var of lengi að athafna sig inn á teignum og skaut í varnarmann.

Mackenzie Elyze Smith í dauðafæri á fjærstönginni eftir hornspyrnu en nær ekki að setja boltann á markið.

Alda Ólafsdóttir komst í hörkufæri en Agnes Birta Stefánsdóttir með frábæra tæklingu.

Karen María reynir aftur skot en í þetta sinn fer boltinn yfir.

Hulda Björg Hannesdóttir með sendingu fram völlinn. Amalía Árnadóttir kemst í boltann við endalínu og sendir fyrir en Ashley Brown Orkus bjargar í horn. Smá darraðadans inn á teignum eftir hornið en Ashley nær boltanum að lokum.

Kamila Elise Pickett kemst í góða stöðu en hún skýtur í varnarmann og Jessica ver.

Una Rós sparkar þessu af stað.

Flautað af um leið og klukkan slær 45. Bragðdaufur fyrri hálfleikur en við fengum eitt mark samt sem áður.

Algjört miðjumoð eftir markið.

Karen María með skotið inn á vítateignum en boltinn rétt framhjá

Fyrsta almennilega færi leiksins! Murielle Tiernan með boltann inn á teignum og nær að snúa en skotið beint á Jessicu Berlin. Murielle fær boltann aftur og sendir á Lily Anna Farkas en aftur er skotið beint á Jessicu.

Hulda Ósk Jónsdóttir með boltann á vinstri kantinum. Fer inn á teiginn og fer auðveldlega framhjá vörn Fram en enginn á teignum til að taka á móti sendingunni.

Þarna var tækifæri fyrir Þór/KA. Karen María með fyrirgjöf en boltinn of innarlega fyrir Sonju.

Karen María Sigurgeirsdóttir með skot fyrir utan teiginn en það er ekki gott og boltinn fer hátt yfir.

Fram verið í sókn undanfarnar mínútur en ekki náð að skapa sérr almennileg færi.

Fram fær aukaspyrnu um miðjan vallarhelming KA. Sending meðfram jörðinni inn fyrir vörnina en rangstaða dæmd, klaufalegt.

Þór/KA hefur tekið tvö löng innköst en ekki nýtt þau vel.

Heimakonur koma þessu af stað

Þór/ka er alltaf líklegar á heimavelli og er epic með stuðulinn 1.98 á sigur heimastúlkna

Það eru þrjár breytingar á liði Þór/KA sem vann FHL 3-2 í síðustu umferð. Jessica Berlin er í markinu og Harpa Jóhannsdóttir sest á bekkinn. Karen María Sigurgeirsdóttir og Sonja Björg Sigurðardóttir koma inn í liðið. Ellie Rose Moreno og Bríet Fjóla Bjarnadóttir setjast á bekkinn.

Olga Ingibjörg Einarsdóttir, Dominiqe Evangeline Bond-Flasza, Alda Ólafsdóttir og Lily Anna Farkas koma inn í lið Fram eftir 3-3 jafntefli gegn Tindastóli. Karítas María Arnardóttir, Freyja Dís Hreinsdóttir, Ólína Sif Hilmarsdóttir og Eyrún Vala Harðardóttir detta út úr liðinu.

Þór/KA býður frítt á leikinn. Sláarkeppni í leikhléi, vegleg verðlaun í boði ELKO.

Fjölmennum og sýnum stelpunum okkar alvöru stuðning, klárum tímabilið með þeim af krafti.

Liðin mættust tvisvar í deildarkeppninni en útiliðið vann í bæði skiptin. Þór/KA vann fyrri leikinn fyrir sunnan 3-1 þar sem Sandra María Jessen skoraði m.a. tvennu en hún er farin til Köln í Þýskalandi. Fram kom síðan í Bogann og vann 2-1 þar sem Murielle Tiernan skoraði sigurmarkið í uppbótatíma.

Bergvin Fannar Gunnarsson er með flautuna í kvöld. Patrik Freyr Guðmundsson og Birkir Örn Pétursson eru honum til aðstoðar.
Aðalsteinn Tryggvason er varadómari og Sverrir Gunnar Pálmason eftirlitsmaður KSÍ.

Fram hefur gert mjög vel sem nýliði í deildinni. Liðið hafnaði í 2. sæti í Lengjudeildinni í fyrra og hefur tryggt sér áframhaldandi veru í Bestu deildinni. Liðið er án taps í þremur leikjum í röð.
Óskar Smári Haraldsson þjálfari Fram

Tímabilið hefur verið vonbrigði hjá Þór/KA. Liðinu tókst alls ekki að byggja ofan á síðasta tímabil þar sem liðið hafnaði í 4. sæti. Liðið getur í besta falli náð 7. sæti í ár en liðið þarf að minnsta kosti stig í kvöld til að ná því en tveimur stigum munar á liðunum.
Jóhann Kristinn Gunnarsson þjálfari Þórs/KA

Verið velkomin í beina textalýsingu frá leik Þórs/KA og Fram í lokaumferð Bestu deildar kvenna. Liðin spila í neðri hlutanum.