Einar Már Þórólfsson @fotboltinet

- Meðalaldur 25 ár

Textalýsing Skýrslan Viðtöl

Hvað réði úrslitum? Baráttuvilji heimamanna bjargaði stigi. Leiknismenn voru miklu betri fram að markinu sem að kom þeim yfir. Eftir það virtist skjálftinn hafa farið úr Völsungum og þeir náðu með harðfylgi að ná í jöfnunarmark. Bestu leikmenn 1. Andri Valur Bergmann Steingrímsson Ég er vissulega smá hlutdrægur en ég ætla að setja þetta á hinn kornunga Andra Val. 17 ára gamall og stóð sig ótrúlega vel í sínum fyrsta “alvöru” leik. Minnir mig um margt á Hallgrím bróðir sinn og framtíðin er björt hjá Andra. 2. Dagur Ingi Hammer Gunnarsson Skoraði frábært mark og var sífellt ógnandi. Hann á eftir að skora fullt af mörkum í sumar eins og vanalega. Atvikið Jöfnunarmark Völsungs. Tveir kornungir strákar í framlínu Völsungs, Aron og Tómas, spiluðu virkilega vel saman og náðu að jafna leikinn.

Hvað þýða úrslitin? Þau þýða að bæði lið eru með eitt stig eftir fyrstu umferð. Gætu orðið mikilvæg stig í haust en þýða lítið núna. Vondur dagur Það var fullt af vondum atvikum en svosem enginn sem átti sérstaklega vondan dag. Fullt af leikmönnum beggja liða sem horfa á leikinn aftur og vita að þeir hefðu getað gert betur í mörgum aðstæðum. Dómarinn - 8 Heilt yfir lítið yfir frammistöðu dómarans að kvarta en auðvitað eru alltaf atriði sem menn eru ekki sammála um.

- Meðalaldur 24 ár