SKÝRSLAN: Sigurmark á síðustu mínútu í fyrsta sigri Grindavíkur/Njarðvíkur í Bestu deildinni
Hvað réði úrslitum?
Vindurinn. Liðið sem var að spila með vind var betra liðið. Þór/KA í fyrri hálfleik og Grindavík/Njarðvík í seinni hálfleik og Grindavík/Njarðvík nýtti bara færin sem þær fengu betur en Þór/KA.
Bestu leikmenn
1. Erin Flurey
Ekki oft sem maður velur besta úr tapliði en mér fannst hún gera mjög vel í dag í að keyra á vörnina og skapa færi og var alltaf tilbúin að fá boltann innfyrir vörnina, skoraði líka mark.
2. Sigríður Emma F. Jónsdóttir
Var í veseni með Erin Flurey en ætla gefa henni 2.sætið fyrir þetta úrslitamark. Natasha var líka mjög góð og lét hafa fyrir sér þarna frammi og skoraði mark.
Atvikið
Úrslitamarkið á síðustu mínútu leiksins sem tryggði Grindavík/Njarðvík sinn fyrsta sigur í Bestu deildinni
Hvað þýða úrslitin?
Fyrsti sigur Grindavíkur/Njarðvíkur í Bestu deildinni og færast upp í 6.sæti með jafn mörg stig og liðin í 2-5 sæti
Vondur dagur
Átti engin eitthvað slæman dag, Bríet átti vonda sendingu í fyrsta marki Grindavíkur/Njarðvíkur en mér fannst hún samt spila mjög vel í leiknum. Patryk Emanuel Jurczak klikkaði að mínu mati á 2-3 rangstöðum þegar hann flaggaði þegar Þór/KA voru að sleppa í gegn. Birgitta Rún hefði getað komið leiknum í 2-0 en skallaði boltann framhjá en allt í lagi leikur yfirhöfuð hjá henni samt.
Dómarinn - 7
Bergrós Lilja Unudóttir var bara fín í dag ekkert stórt atvik þannig reyndi ekkert mikið á hana.