Snæbjört Pálsdóttir @fotboltinet

- Meðalaldur 24 ár

Textalýsing Skýrslan Viðtöl

Hvað réði úrslitum? Þetta var hörkuleikur í dag en það sem réði úrslitum var bara það að Þróttur náði að setja mark í lokin og sigla dramatískum sigri heim. Bæði lið áttu hörkusóknir og þetta var ekta baráttuleikur. Bestu leikmenn 1. Mist Funadóttir Mist átti frábæran dag í vörn Þróttar. Var mjög grimm varnarlega og átti svo þátt í báðum mörkunum. Átti sprett upp kantinn og fyrirgjöfina á Unni Dóru sem átti svo stoðsendinguna á Sigríði Theodóru sem skoraði fyrsta markið. Hún var síðan mjög fljót að hugsa þegar boltinn barst til hennar og þrumaði boltanum fram í hlaupaleiðina hjá Kaylu Rollins sem komst þá ein í gegn og gerði út um leikinn. Shout out á hana líka fyrir góða frammistöðu! Þetta er Kayla sem Þróttur þarf að fá í alla leiki í sumar! 2. Berglind Freyja Hlynsdóttir Var flott hjá FH í dag, átti frábært samspil við Ingibjörgu sem endaði með fyrsta marki leiksins. Berglind er ótrúlega skapandi og skemmtilegur leikmaður sem á eftir að springa út í sumar! Atvikið Ég verð að setja þetta á sigurmark Þróttar. Það eiginlega bara kom upp úr gjörsamlega engu! Eftir klafs á vinstri kantinum berst boltinn til Mistar sem var mjög fljót að hugsa og hreinsar boltanum fram akkúrat í hlaupaleiðina hjá Kaylu sem kemst ein í gegn og skorar sigurmarkið í Laugardalnum! Ég hélt að leikurinn væri að fara enda sem stórmeistarajafntefli

Hvað þýða úrslitin? Úrslitin þýða það að Þróttur er er búið að næla sér í sinn fyrsta sigur og stig. Þær eru þar með komnar upp í 6. sætið. FH hins vegar í 7. sætinu áfram með eitt stig. Vondur dagur Set þetta á Mackenzie Elyze Smith, hún einhvern vegin komst aldrei í takt við leikinn og nældi sér í gult spjald strax á 11. mínútu, hefði getað reynst FH dýrkeypt þar sem hún er yfirleitt dugleg að brjóta og stoppa sóknir inn á miðjunni. Var svo skipt út í hálfleik. Dómarinn - 6 Bara fínasta frammistaða hjá Þorfinni og félögum. Var kannski full snemma farinn að teygja sig í gulu spjöldin en hann hélt allan tíman stjórn á leiknum sem var mjög baráttumikill.

- Meðalaldur 22 ár