SKÝRSLAN: Sigurinn hjá Þrótturum aldrei í hættu eftir rauða spjaldið
Hvað réði úrslitum?
Leikurinn var í jafnvægi þangað til að Ágúst Unnar fær rautt spjald á 18. mínútu. Þá fer af stað einhver klaufalegasta hrina atvika sem maður hefur séð. Kristján Atli skorar sjálfsmark sem hefði talist algjörlega stórkostlegur skalli ef þetta hefði farið í rétt mark. Svo gerir Vilhelm hrikaleg mistök í marki ÍR og gefur Erni Braga boltann í uppspili, og Örn gat ekki annað en skorað. Þá var þetta aldrei í hættu. Þróttarar bættu við öðru, svo var seinni hálfleikurinn í raun steindauður fyrir utan frábært mark beint úr aukaspyrnu hjá Emil Nóa.
Bestu leikmenn
1. Sigurður Egill Lárusson (Þróttur)
Siggi var með tvær stoðsendingar þó að sú fyrri hafi verið sjálfsmarkið, það skráist kannski ekki sem stoðsending. En Siggi kom með fullt af hágæða fyrirgjöfum í leiknum, og hefði getað endað með fleiri stoðsendingar ef menn hefðu klárað betur.
2. Aron Snær Ingason (Þróttur)
Aron fiskar rauða spjaldið sem breytir leiknum. Svo var hann mjög duglegur að stinga sér inn fyrir og skapaði mikinn usla með því. Óheppinn að skora ekki sjálfur.
Atvikið
Rauða spjaldið sem Ágúst fær er leikbreytirinn. Hann stöðvar Aron Snæ sem er að sleppa einn í gegn og fær mjög réttilega rautt spjald fyrir það.
Hvað þýða úrslitin?
Þróttarar eru með fullt hús stiga eftir fyrstu tvo leikina og líta út eins og það lið sem menn voru að spá fyrir að þeir myndu vera. ÍR-ingar tapa sínum fyrsta leik en þeir geta frekar örugglega gleymt þessu tapi, þar sem þeir lentu í svo mikið af óheppilegum atvikum, sem þeir geta kennt tapinu um.
Vondur dagur
Þrír menn sem munu eiga erfitt með að sofna í kvöld, og það eru Ágúst Unnar Kristinsson sem fær á sig rauða spjaldið, Kristján Atli Marteinsson sem skorar mjög óheppilegt sjálfsmark, og Vilhelm Þráinn Sigurjónsson sem gefur Þrótturum mark númer tvö.
Dómarinn - 9
Hreinn gerði mjög vel í þessum leik, rauða spjaldið var líkast til eitt það auðveldasta sem hann mun nokkurtíman fá, en hann gugnaðist allaveg ekki undan því. Svo voru einhver veik vítaköll, sérstaklega seint í leiknum hjá ÍR sem hann gaf engan gaum.