1-1 niðurstaðan hér í Dalnum í kvöld.

Hröð sókn Þróttara og þeir fá hornspyrnu. Spenna í lofti. Ekkert verður úr horninu, Leiknir fær markspyrnu.

Við erum komin í uppbótartíma í hinni frægu kvöldsól í Laugardalnum.

Kári Kristjánsson með skalla framhjá.

Vilhjálmur Kaldal að komast í dauðafæri en Marko Veselinovic hendir sér í alvöru tæklingu og fer í boltann. Hann fór 100% í þetta.

Vilhjálmur Kaldal rífur sig lausan frá varnarmanni og nær skoti sem Óli Íshólm ver. Villi Alvar dómari gaf hagnað en ákvað að dæma eftir að skotið var varið. Spes.

Birnir Breki hefur komið líflegur inn hjá Leiknisliðinu og vinnur hornspyrnu.

Birnir Breki tekur sprettinn og skyndilega var Leiknisliðið komið í kjörstöðu og tveir lausir menn við hliðina á BBB en sendingin frá honum arfadöpur og ekkert verður úr þessu!

Kári Kristjánsson með skalla yfir markið úr erfiðri stöðu.

Haaaa? Eðlisfræðin er að koma manni í opna skjöldu. Kári með skot sem virtist vera á leið inn en fór í innanverða stöngina og svo útaf hinumegin.

Þetta var rosalegt.

Magnús Þórðarson, sem kom frá Fram rétt fyrir lok gluggans, skýtur framhjá.

Hlynur Þórhallsson með fast skot en Ólafur Íshólm er með þetta og ver virkilega faglega.

Örn Bragi Hinriksson í hörkufæri en skallar rétt framhjá.

Leikmenn úr báðum lið fengið aðhlynningu hér í byrjun seinni hálfleiks. Má eiginlega segja að seinni hálfleikurinn sé ekkert kominn í gang.

Þróttarar með allt upp á tíu og bjóða uppá þann skemmtilega valkost á leikjum að hægt er að fá sér brauðstangir.

Hálfleiksræðan hjá Brynjari Birni talsvert lengri en hjá Venna. Þróttarar langt á undan Leiknismönnum út á völl fyrir seinni hálfleikinn.

Jæja styttist í seinni hálfleikinn.

Held að Leiknismenn séu nokkuð sáttir við að heyra hálfleiksflautið því Þróttarar ógnuðu verulega síðustu mínútur fyrri hálfleiksins.

Köttararnir, stuðningsmannahópur Þróttar, fagnar 30 ára afmæli sínu um þessar mundir og ætla menn að hittast á Ölveri eftir þennan leik og skála fyrir því. Þar var stofnfundurinn einmitt á sínum tíma.

Aron Snær kemst í hörkufæri sem varnarmenn kasta sér fyrir og svo á Vilhjálmur Kaldal skot sem fer af varnarmanni og rétt yfir. Þróttur virðist hafa sett í næsta gír.

Þrumuskot í stöngina! Óli Íshólm stóð eins og stytta. Þróttarar óheppnir að taka ekki forystuna.

Leiknir fær tvær hornspyrnur með stuttu millibili. Sóknarbrot dæmt í þeirri fyrri en sú seinni fór á fyrsta varnarmann.

Fyrsta hornspyrna leiksins er Þróttara. Baldur Hannes skallar yfir markið eftir hornið.

Sótt á báða bóga þessar mínútur og bæði lið að koma sér í hættulegar stöður en vantar upp á síðustu sendingu.

Vilhjálmur Kaldal kemst í hættulega stöðu en flaggið á loft. Rangstaða.

Örn Bragi Hinriksson með stórhættulegan sprett og kemst í dauðafæri, fer illa með varnarmann Leiknis en skotið endar framhjá! Hörkufæri sem fór forgörðum hjá Þrótti þarna.

Örn Bragi er 18 ára og hefur skorað í öllum þremur leikjum Lengjudeildarinnar til þessa sem eru einmitt fyrstu þrír leikir hans á Íslandsmóti með Þrótti.

Eins og Magnús Geir Eyjólfsson vallarþulur minntist á í fréttamannastúkuni fyrir leik þá er oft um hörkuviðureignir að ræða þegar þessi lið mætast, sama hver staðan er í deildinni. Þróttarar hafa oft verið í erfiðleikum gegn Leikni og það er ákveðið jafnræði hér á upphafskaflanum.

Shkelzen Veseli sendir á Viktor Andra Pétursson sem er í ljómandi góðu færi, tekur boltann skoppandi en hittir hann alls ekki vel og skýtur langt framhjá. Svekktur út í sjálfan sig að hafa ekki farið betur með þetta tækifæri.

Stórhættuleg hröð sókn Þróttar, Kári og Aron leika boltanum sín á milli og þetta endar svo með skoti frá Kára naumlega framhjá.

Þróttarar mun meira með boltann fyrstu mínútur leiksins en Leiknismenn hafa unnið sig inn í þetta og eru að halda boltanum vel innan liðsins á þessum kafla.

Shkelzen Veseli fær boltann í teig Þróttar en nær ekki að gera sér mat úr því. Baldur Hannes Stefánsson verst mjög vel og hirðir boltann af honum.

Þróttarar sækja á upphafsmínútum leiksins og Kári Kristjánsson fékk gott færi í teignum en Óli Íshólm náði að loka og verja.

Þróttarar eru mun sigurstranglegri samkvæmt stuðlum Epicbet.

Sigur Þróttar: 1,33
Jafntefli: 5,00
Sigur Leiknis8,50

Liðin ganga hér til vallar. Það er góður andi í Laugardalnum eins og oftast. Áhorfendur hafa slegist um pláss á pallinum við hlið stúkunnar enda skín sólin þar á meðan stúkan er í skugga. Kaldir drykkir, brauðstangir og börgerar.

Aron Jóhannsson lagði skóna á hilluna eftir síðasta tímabil með Aftureldingu en hefur tekið þá fram að nýju og er á bekknum hjá Þrótti í kvöld.

„Já varðandi Aron, sjáum hvernig það þróast þegar eða ef hann kemst í gang, hann hefur ekki æft fótbolta í vetur. Það ætti þó ekki að taka langan tíma enda fagmaður þar á ferðinni," sagði Venni þjálfari Þróttar í viðtali fyrr í þessum mánuði. Aron hefur æft að undanförnu og er í hóp.

Þróttarar hafa farið vel af stað í deildinni og eru með fullt hús, níu stig að þremur umferðum loknum. Þeir kvöddu hinsvegar bikarkeppnina í síðustu viku, þegar þeir töpuðu 1-2 gegn Breiðablik.

Þetta er fjórða umferð deildarinnar. Leiknismenn byrjuðu á að gera jafntefli gegn Völsungi, unnu Gróttu og töpuðu svo fyrir Aftureldingu.

„Þróttur er með eitt af sterkustu liðunum í þessari deild og með frábæran þjálfara. Þessi leikur fer 4-1, Hlynur skorar eitt svakalegt mark í þessum leik," segir Amin Cosic, leikmaður KR og spámaður umferðarinnar.

   17.05.2026 12:00

Amin Cosic spáir í 4. umferð Lengjudeildarinnar

Alltaf gaman þegar sólin skín. Veðurguðirnir eru svo sannarlega á okkar bandi þennan fallega mánudag. Við ætlum að fylgjast hér með leik Þróttar og Leiknis sem flautaður verður á klukkan 19:15.

Vilhjálmur Alvar Þórarinsson er dómari leiksins í kvöld. Jovan Subic og Sveinn Ingi Sigurjónsson eru aðstoðardómarar. Skúli Freyr Brynólfsson eftirlitsmaður er með skrifblokkina í stúkunni.

Leikir kvöldsins - mánudagur 18. maí
19:15 Fylkir-ÍR (tekk VÖLLURINN)
19:15 HK-Njarðvík (Kórinn)
19:15 Þróttur R.-Leiknir R. (AVIS völlurinn)
19:15 Grótta-Afturelding (Vivaldivöllurinn)