Stefán Marteinn Ólafsson @Stefanmarteinn7

- Meðalaldur 24 ár

- Meðalaldur 23 ár

Textalýsing Skýrslan Viðtöl

Hvað réði úrslitum? Þróttur hafði eins og Sigurvin Ólafsson kom inn á í viðtali eftir leik yfirhöndina en þó ekki yfirburði. Jafn leikur að einhverju leyti framan af. Þróttur kemst yfir og leiðir sanngjarnt í hálfleik. Grindavík fær færi til þess að jafna leikinn en það gengur ekki og Þróttur skorar svo annað markið sem svolítið setti slaufuna á leikinn. Fagmannlegur sigur er kannski réttasta skýringin á þessu. Bestu leikmenn 1. Kári Kristjánsson (Þróttur R.) Skoraði flott fyrsta mark leiksins og var gríðarlega öflugur fyrir Þróttara í leiknum. Hvalreki fyrir Þrótt að endurheimta hann heim. 2. Brynjar Gautur Harðarson (Þróttur R.) Akkeri í liði Þróttara og frábær á miðjunni hjá Þrótti. Óheppin að skora ekki í leiknum en hann átti gott skot sem Hjörvar Daði varði vel. Bindur miðjuna hjá Þrótti. Atvikið Annað markið í þessum leik drepur hann svolítið. Slaufan á pakkann, punkturinn á i-ið.

Hvað þýða úrslitin? Þróttur lyftir sér upp í 3.sætið með 13 stig. Grindvíkingar detta niður í 11.sætið á markatölu með sín 7 stig. Stutt á milli í þessu. Vondur dagur Rúnar Ingi Eysteinsson var ekki að hitta á sinn dag fyrir framan markið í kvöld. Það býr mikið í þessum strák en stöngin út í kvöld. Dómarinn - 8 Mér fannst þetta vel dæmdur leikur hjá Gunnari Odd og hans teymi. Ekkert stórt atvik í fljótu bragði sem ég man eftir að teymið hafi klikkað á. Auðvitað alltaf hægt að tína til smáatriði en við veltum okkur ekki upp úr því.

- Meðalaldur 23 ár

- Meðalaldur 22 ár