Liðin spiluðu þrisvar við hvort annað í fyrra þar sem bæði liðin fóru í neðra umspil eftir skiptingu mótsins. KR vann fyrstu viðureign liðanna á síðustu leiktíð, lokatölur voru 5-0 á Meistaravöllum. Í seinni umferðinni unnu Skagamenn 1-0 heimasigur og í þriðja leik liðanna unnu Skagamenn 3-2 sigur. Sögulega séð hafa KR-ingar yfirhöndina en þeir hafa unnið 68 viðureignir, Skagamenn unnið 58 og liðin gert 32 jafntefli.

KR liðið hefur spilað stórskemmtilega á þessu tímabili og situr í 2. sæti deildarinnar eftir 11 leiki spilaða. Liðið tapaði auðvitað gegn Víkingum í síðustu umferð sem virðast ætla að stinga þetta mót af svo ljóst er að KR þarf á þremur stigum að halda í kvöld ef þeir ætla að halda einhverri spennu í þessu móti.

Skagamenn eru í 6. sæti deildarinnar með 15 stig eftir tíu leiki. Skagamenn fóru rólega af stað í stigasöfnun en hafa í síðustu fjórum leikjum sótt tíu stig. Með sigri lyfta þeir sér upp fyrir Valsara og í 5. sætið.

Helgi Mikael Jónasson er dómari leiksins og honum til aðstoðar verða þeir Guðmundur Ingi Bjarnason og Patrik Freyr Guðmundsson. Fjórði dómari er Elías Ingi Árnason og Þóroddur Hjaltalín er dómaraeftirlitsmaður.

Og verið hjartanlega velkomin í beina textalýsingu fyrir leik KR og ÍA í 11. umferð Bestu deildar karla. 11. umfeðrinni lýkur hér í kvöld og vonumst við eftir hörkuleik.