Stefán Marteinn Ólafsson @Stefanmarteinn7

- Meðalaldur 26 ár

- Meðalaldur 24 ár

Hvað réði úrslitum? Mjög jafn leikur og bæði lið fengu fínustu áhlaup. Þegar öllu er á botnin hvolft þá er jafntefli líklegast sanngjarnasta niðurstaðan. Fram voru betri á boltann en Keflavík voru með hættulegri færi. Hefði geta fallið hvoru megin sem er og það hefði ekki endilega verið ósanngjarnt svo sitthvort stigið er líklega sanngjarnast. Bestu leikmenn 1. Þorlákur Breki Baxter (Keflavík) Fannst hann gríðarlega öflugur á miðjunni í dag og var að skila öflugu vinnuframlagi fyrir Keflavíkurliðið. Hefur komið frábærlega inn í lið Keflavíkur 2. Kennie Chopart (Fram) Þessi gæi heldur bara áfram að koma manni á óvart. Skoraði gott mark fyrir Fram og var mjög öflugur í dag. Margir sem gerðu tilkall í þennan dálk en markið gefur Kennie þetta ,,edge" til að fá kallið. Atvikið Jöfnunarmark Keflavíkur var virkilega vel gert. Eiður Orri með frábæra fyrirgjöf beint á kollinn á Stefan Ljubicic sem skilaði boltanum í netið. Maður sá um leið og boltinn fór frá Eiði Orra í hvað stefndi.

Hvað þýða úrslitin? Keflavík lyftir sér upp í 6. sæti deildarinnar með 16 stig og eru því mættir í efri hlutann. Fram eru áfram í 3. sætinu tveim stigum á eftir KR en með leik til góða. Vondur dagur Alpha Conteh hefur verið að spila vel upp á síðkastið en sá hitti ekki á daginn sinn í dag. Klúðraði algjöru dauðafæri í fyrri hálfleik eftir að Viktor hafði farið í skógarhlaup í marki Fram en tókst ekki að koma skotinu á rammann. Varnarmenn Fram voru byrjaðir að detta niður á línuna í þeirri von að geta reynt að vera fyrir því sem leit út fyrir að ætla vera nokkuð öruggt mark en allt kom fyrir ekki. Upp og áfram. Dómarinn - 7 Mér fannst þetta bara nokkuð vel dæmdur leikur í kvöld. Kom smá kafli þar sem maður hafði áhyggur af því að tökin væru að fara þegar það komu einhverju þrjú gul á einni mínútu nánast en fyrir utan það fannst mér teymið vera með þetta á lás.

- Meðalaldur 26 ár

- Meðalaldur 26 ár