Þór/KA vinnur sinn annan leik í röð! Grindavík/Njarðvík bankaði nokkuð fast en náði ekki inn marki.

Færi og svo horn! Augur nær ekki að grípa boltann.

Natasha fær mjöööög ódýra aukaspyrnu. Séns fyrir gestina.

Gengur illa hjá gestunum að byggja upp sóknir núna í lok leiks.

Amalía Árnadóttir í dauðafæri! Setur boltann yfir í upplögðu marktækifæri.

Skot fyrir utan teig frá gestunum sem fer framhjá.

Darraðadans inn á vítateig Þórs/KA, Ellie Coffield reynir svo að lyfta boltanum í netið en setur boltann yfir.

Sophia á skalla sem fer ofan á markið. Ná gestirnir að jafna?

Skot frá gestunum sem Augur handsamar. Grindavík/Njarðvík er að spila vel en Þór/KA er að þrauka.

Bakvörðurinn Angela Mary er í smá brasi með Ásu Björgu, kantmaðurinn átt mjög góðan seinni hálfleik.

Gestirnir taka hornspyrnu stutt og Sophia á svo skot úr D-boganum sem Arna Sif hreinsar í burtu.

Ása Björg með tilraun sem Arna Sif hreinsar burt með skalla. Hægara sagt en gert að ná skoti framhjá Örnu í þessu færi.

Angela með tilraun af löngu færi sem fer rétt yfir mark gestanna.

Ása Björg dettur í teig Þórs/KA eftir að Angela reyndi við boltann. Ása með veikt kall eftir vítaspyrnu.

Hildur Anna þræðir boltann í hlaupalínu Erin sem er að sleppa í gegn við miðlínu. Sigríður Emma heldur í við framherjann og truflar skotið sem Erin tók mjög snemma og boltinn fer framhjá.

Ellie Coffield með skot úr D-boganum sem Alessandra Dorothy Augur ver.

Hár bolti inn á teig Þórs/KA, brot dæmt á gestina og Arna Sif liggur aðeins eftir.

Grindavík/Njarðvík kemst í hraða sókn, boltinn færist út til hægri og Ása á fastan bolta sem Emma Nicole missir af. Skömmu síðar eiga gestirnir tilraun fyrir utan teig sem fer hátt yfir. Þær eru aðeins að banka!

Flottur sprettur upp vinstri kantinn hjá Hildi Katrínu, hún finnur Emmu Nicole en skalli hennar fer framhjá nærstönginni.

Hildur Anna með skalla sem Genevieve nær ekki að grípa en Natasha nær svo að hreinsa úr teignum.

Tvær fyrirgjafir inn á teig heimakvenna en engin tilraun, gestirnir byrja seinni hálfleikinn af fínum krafti.

Há fyrirgjöf sem Augur slær að óþörfu aftur fyrir og í horn fyrir gestina.

Dúnalogn núna og þá mæta flugurnar, get ég fengið smá golu takk?

Það er kominn hálfleikur í Þorpinu. Þór/KA leiðir 1-0.

Aukaspyrna á hættulegum stað, fastur bolti frá Hildi og Margrét á skalla sem fer rétt framhjá.

Emma með skalla en Alessandra Augur vandanum vaxinn í marki heimakvenna.

Finnst gestirnir svolítið ofan á, en færin láta bíða eftir sér. Eitt fínt færi komið en það náðist ekki skot á markið úr því.

Þór/KA tekur of langan tíma í innkast og Sveinn dæmir gestunum boltann.

Genevieve Júlía - Sigríður Emma - Natasha - Rakel Ellie - Hannah Ása Björg - Sophia - Hildur Emma

Bras á Augur í marki Þórs/KA, laus bolti við vítateigslínu en þetta reddast fyrir heimakonur.

Augur María Dögg - Karen Hulda - Arna Sif - Angela Hildur - Margrét Hulda Ósk - Karen María - Amalía Erin

Sophia Faith Romine í góðum séns, hálf í gegn við vítateigslínuna, en setur boltann rétt framhjá nærstönginni á marki heimakvenna.

Laus bolti inn á teignum sem Erin reynir við en Genevieve Jae Crenshaw nær að henda sér á boltann og handsama hann.

Erin Flurey vinnur aukaspyrnu á góðum stað fyrir Þór/KA.

Þetta er farið af stað!

Heimakonur spila í svörtum búningum og gestirnir spila í hvítum treyjum.

Ellie Coffield, Júlía Rán Bjarnadóttir og Rakel Sigurðardóttir koma inn í lið gestanna frá jafnteflinu gegn Víkingi. Rúmar tvær vikur eru frá síðustu umferð en hlé var á Bestu deildinni vegna þátttöku U19 landsliðsins á EM.

Karen María kemur inn fyrir Elísu Bríeti sem tekur sér sæti á bekknum. Ásta Ninna kemur þá inn í hópinn.

Það er smá gola og það hefur aðeins dropað, en ekki hægt að kalla þetta rigningu. Það eru einhverjar tólf gráður í stúkunni.

Sveinn Arnarsson er með flautuna í kvöld og honum til aðstoðar eru þau Sváfnir Ragnarsson og Leyla Ósk Jónsdóttir. Fjórði dómari er Aðalsteinn Tryggvason og Tryggvi Þór Gunnarsson er eftirlitsmaður.

Heimakonur í Þór/KA sitja í 9. sæti deildarinnar sem eru mikil vonbrigði. Liðið vann sinn fyrsta sigur í síðustu umferð þegar Þróttur kom í heimsókn en fyrir það var liðið einungis með þrjú stig. Grindavík/Njarðvík, sem kom upp úr Lengjudeildinni síðasta haust, situr í 6. sæti með sex stigum meira en Þór/KA. Nýliðarnir hafa einungis unnið einn af síðustu fimm en eru komnir í undanúrslit Mjólkurbikarsins. Fyrri leikur liðanna endaði með 2-1 endurkomu sigri Suðurnesjakvenna en sigurmarkið kom undir lok leiks.

Landsliðskonan Thelma Karen Pálmadóttir spáir í leiki umferðarinnar. Þór/KA 0 - 2 Grindavik/Njarðvík Frekar rólegur leikur en Grindavík/Njarðvík með yfirhöndina mest megnis af leiknum. Markalaust í hálfleik. Hildur skorar svo banger í seinni hálfleik eftir að hafa sólað fjórar og skorar svo annað mark í lok leiks

Góða kvöldið lesendur góðir og verið þið velkomnir í beina textalýsingu frá leik Þórs/KA og Grindavíkur/Njarðvíkur í 10. umferð Bestu deildar kvenna. Leikurinn hefst klukkan 19:15 og fer fram á VÍS vellinum á Akureyri.