Ívar Björgvinsson @fotboltinet

- Meðalaldur 26 ár

- Meðalaldur 21 ár

Hvað réði úrslitum? KR-ingar voru mikið betri í dag og gæði þeirra í sóknarleiknum voru það sem að náðu í sterkan sigur gegn heitum Eyjamönnum. Mörk KR innihéldu mikið af góðu spili á milli manna og Eyjamenn réðu ekkert við sóknarleik þeirra. Bestu leikmenn 1. Aron Sigurðarson Eins og svo oft áður þá var fyrirliðinn besti maður KR í dag. Tvö mörk og stoðsending og Aron var bara allt í öllu í sóknarleik KR-inga. 2. Orri Hrafn Kjartansson Var lúsiðinn á miðjunni hjá KR og vann marga bolta ásamt því að skila sér í teiginn í sókninni. Markið hjá Orra var einmitt þannig en hann gott sem kláraði leikinn þegar hann kom KR í 4-1. Atvikið Seinna mark Arons beint úr aukaspyrnu var virkilega flott. Kemur KR í 3-1 en spyrnan sjálf var frábær og hnitmiðuð.

Hvað þýða úrslitin? KR heldur 2. sætinu þrátt fyrir stórsigur Framara en Fram á leik til góða á KR og geta farið upp fyrir þá. Sigurinn er sterkur en hann kemur KR í góða stöðu til þess að næla í Evrópusæti en það er líklega það besta sem KR getur sætt sig við á þessu tímabili þar sem ekkert virðist geta stöðvað Víkinga. Eyjamenn ná ekki að búa til tíu stiga bil frá fallsæti en eru engu að síður í fínum málum eins og sakir standa. Vondur dagur Væri hægt að gefa nokkrum í ÍBV þetta í dag en Milan Tomic tekur þetta á sig. Var ekki góður í dag og sóknarmenn KR hlupu mikið í gegnum miðju ÍBV sem réð lítið við Aron og félaga í dag. Hann fær einnig gult spjald og tekinn útaf á 66. mínútu. Dómarinn - 7 Hafði góð tök á leiknum og lítið hægt að kvarta undan honum.

- Meðalaldur 26 ár

- Meðalaldur 22 ár