Snæbjört Pálsdóttir @fotboltinet

- Meðalaldur 23 ár

- Meðalaldur 22 ár

Hvað réði úrslitum? Innkoma Huldu Hrundar Arnarsdóttur í hálfleik breytti miklu fyrir Stjörnuna og kom að báðum mörkunum í seinni hálfleik, stoðsending og mark! Stjörnukonur byrjuðu leikinn mjög vel, komust snemma yfir og hefðu getað gert meira úr yfirburðunum fyrsta korterið. Þór/KA vann sig hins vegar inn í leikinn og jafnaði fyrir hlé. Það var því mjög sterkt fyrir Stjörnuna að ná í 2 mörk á 8 mínútna kafla í seinni hálfleik. Bestu leikmenn 1. Hulda Hrund Arnarsdóttir Kom inn í hálfleik og setti strax mark sitt á leikinn. Lagði upp annað markið fyrir Snædísi Maríu og setti svo þriðja markið sjálf. Hefur verið óheppin með meiðsli í sumar en vonandi er hún að detta í gang! 2. Bríet Jóhannsdóttir Skoraði jöfnunarmark Þórs/KA í fyrri hálfleik og var hættuleg þegar gestirnir náðu að vinna sig inn í leikinn. Góð frammistaða hjá henni í dag. Atvikið Nokkur atvik sem komast hér á blað! Jöfnunarmark Þórs/KA, mark 2&3 hjá Störnunni, Vítið og máfafárið í seinni hálfleik eeeeen það sem stendur mest uppúr og er kannski skemmtilegast er að Murielle Tiernan var að snúa aftur inn á völlinn eftir um 2 mánuði vegna meiðsla og fékk svo bónorð á miðjupunktinum að leik loknum frá kærasta sínum Sveinbirni Óla Svavarssyni.

Hvað þýða úrslitin? Úrslitin þýða það einfaldlega að Stjarnan tekur stigin þrjú, heldur sér við toppbaráttuna og svarar eftir 1-1 jafntefli gegn Val í síðustu umferð. Þór/KA hins vegar situr nú á botninum með 9 stig eftir sigur Fram á Þrótti. Vondur dagur Get ekki sagt að neinn hafi átt einhvern sérstaklega slæman dag en Þór/KA konur byrjuðu leikinn hins vegar hörmulega og voru heppnar að lenda ekki nokkrum mörkum undir. Byrjuðu svo seinni hálfleikinn líka frekar illa og leyfðu Stjörnunni bara að gera það sem þær vildu, þar til að þær hrukku í gang aftur. Dómarinn - 7 Fínasti leikur hjá Atla Birni og félögum, man ekki eftir neinu atviki sem var eitthvað vafasamt og vítadómurinn var hárréttur!

- Meðalaldur 24 ár

- Meðalaldur 20 ár