Þetta hafðist á endanum hjá Aftureldingu. Verðskuldaður sigur þegar öllu er á botninn hvolft. Skýrsla og viðtöl væntanleg.

Aron Elí setur boltann upp í horn, tíminn vinnur með Aftureldingu.

Holtan vinnur aukaspyrnu fyrir Aftureldingu á góðum stað.

Fimm mínútur í uppbót.

Jón Vignir tekur spyrnuna á fjær, þar er Andi Hoti sem nær að skalla hann fyrir markið á Axel Óskar sem nær ekki að stýra boltanum á markið.

Afturelding fá aukaspyrnu á fínum stað vinstra megin á vellinum.

Aron Elí með frábæran bolta inn fyrir á Holtan en Guðjón Pétur gerir vel í varnarleiknum og truflar hann næglega mikið til þess að hann nái ekki skoti á markið.

Jóhann Kanfory með góðan sprett upp hægra megin og fínan bolta en Arnar Daði grípur vel inn í.

Mjög lítið sem hefur gengið á í þessum seinni part seinni hálfleiks. Heimamenn sáttir með stöðuna eins og hún er og Leiknismenn allt of rólegir í tíðinni.

Birnir Breki með fínan bolta inn á teiginn en enginn samherji hans sem ræðst á boltann.

Arnór Valur með skot lengst utan af velli en hittir ekki rammann.

Sævar og sjúkraþjálfari Aftureldingar senda þumalinn á bekkinn, hann ætlar að halda áfram leik.

Nú er það Sævar Atli sem þarf aðhlynningu og þarf að fara af velli í eina mínútu.

Vladisavljevic stendur upp og virðist ætla að áfram en þarf að fara út af í eina mínútu.

Djorde Vladisavljevic sestur í grasið og þarf aðhlynningu.

Axel Freyr með fínan bolta inn á teiginn en nafni hans stekkur manna hæst í teignum og skallar frá.

Elmar Kári tekur spyrnuna inn á teiginn og hún virðist vera að fara á pönnuna á Axel Óskari en á síðustu stundu grípur Óli Íshólm inn í.

Afturelding sækja hratt eftir hornið og fá aukaspyrnu úti hægra megin.

Aftur er spyrnan frá Arnóri góð en nafni hans í markinu gerir einnig aftur vel og slær boltann frá.

Afturelding að leika sér að eldinum og spila á milli sín aftast. Á endanum komast gestirnir inn í sendingu og Arnar Daði þarf að bjarga sér með því að verja í horn.

Sævar Atli tekur spyrnuna og Andi Hoti nær fínum skalla en Leiknismenn komast fyrir. Afturelding heldur sókninni áfram og Sævar reynir hlaupið inn fyrir en sendingin sem er ætluð honum endar hjá Óla Íshólm.

Afturelding fær horn hinum megin.

Spyrnan er góð frá Arnóri Val en Arnar Daði gerir vel og slær boltann frá.

Anton Fannar kemur á siglingu upp hægri kantinn og vinnur horn eftir baráttu við Axel Óskar.

Heimamenn sparka leiknum aftur í gang.

Fínasta fyrri hálfleik lokið í Mosfellsbænum. Heimamenn heilt yfir verið betri en Leiknismenn hafa átt rispur.

Ein mínúta í uppbót.

Stefán Ragnar að sleppa Leiknismönnum ansi vel þessa stundina, virðist sem hann hafi týnt flautunni.

Mjög vond þversending frá Georgi kemur Leikni í fína stöðu en þeir ná ekki að nýta sér það.

Elmar Kári tekur spyrnuna sem fer rétt yfir markið.

Axel Óskar með langt innkast sem Afturelding ná að flikka áfram og boltinn endar á að fara út í teiginn þar sem Elmar Kári lætur vaða. Skotið fer í þá nokkra í teignum og virðist fara í hönd Leiknismanns en Stefán sá ekkert að þessu. Meira í þessu vítakalli en áðan alveg klárlega.

Leiknir fá svo innkast hinum megin sem þeir taka langt en Afturelding koma boltanum frá.

Leiknismenn vinna horn en ná ekki að skapa hættu upp úr því

Aftur á Axel Freyr skot á mark en það er beint á Arnar Daða

Fínn bolti frá vinstri inn á fjær þar sem Anton Fannar kemur á ferðinni en skallinn hans er fram hjá markinu.

Sævar Atli keyrir inn á teiginn og fellur eftir viðskipti við Guðjón Pétur. Stúkan vill víti en það var nú ekki mikið á þetta.

Axel Freyr leitar að öðru marki og á skot rétt fyrir utan teiginn en Arnar Daði er ekki í miklum vandræðum með það.

Georg Bjarna með flottan sprett og heimamenn vilja horn en fá ekki.

Aftur stígur Sævar Atli á stokk en aftur ná Leiknismenn að skalla frá.

Heimamenn halda sókninni áfram og uppskera annað horn.

Sævar Atli tekur spyrnuna inn á teiginn en gestirnir skalla frá

Bart gerir vel úti hægra megin og á góðan bolta fyrir markið en Leiknismenn koma honum í horn.

Vond sending frá Vladisavljevic út úr vörninni fer beint fyrir Elmar Kára sem keyrir á varnarlínuna, finnur Bart úti vinstra megin og hann lætur vaða en frábær varnarleikur verður til þess að heimamenn fá horn en spyrnan hjá Elmari ekki nóg og góð.

Afturelding með góða sókn þar sem þeir sundurspila Leiknisliðið og á endanum nær Elmar Kári skoti sem fer af varnarmanni og aftur fyrir. Þeir ná svo ekki að skapa neina hættu upp úr horninu.

Byrjunarliðin eru dottin inn!

Magnús Már gerir eina breytingu á sínu liði en Birkir Már Sævarsson fær sér sæti á bekknum og inn í hans stað kemur Elmar Kári Enesson Cogic sem er að snúa aftur eftir nokkurra vikna fjarveru.

Brynjar Björn gerir þrjár breytingar á sínu liði á milli leikja. Gísli Alexander Ágústsson, Shkelzen Veseli og Eiríkur Örn Beck koma úr liðinu og inn fyrir þá koma þeir Birnir Breki Burknason, Guðjón Pétur Stefánsson og Arnór Valur Ágústsson.

Liðin mættust í 3. umferð á Leiknisvellinum í leik sem Afturelding vann 0-3. Það var allt jafnt þangað til að 20 mínútur voru eftir en þá gáfu Afturelding í. Joacim Holtan setti fyrsta markið á 73. mínútu, Róbert Agnar Daðason tvöfaldaði forystuna á 83. mínútu áður en Bart Kooistra kláraði leikinn með þriðja markinu á 88. mínútu.

Stefán Ragnar Guðlaugsson stýrir umferðinni í dag en honum til halds og trausts eru þeir Kári Mímisson og Óliver Thanh Tung Vú með sitthvort flaggið.

Leiknismenn eru í baráttunni um umspils en þeir eru í 7. sætinu tveimur stigum á eftir Vestra sem eru í 5. sæti. Síðustu fimm leikir hjá Leikni eru eins og jólasería en þeir eru búnir að tapa tveim, vinna tvo og gera eitt jafntefli. Þeir fengu Gróttu í heimsókn í síðustu umferð þar sem þeir töpuðu 0-1.

Heimamenn í Aftureldingu hafa verið að spila feykilega vel eftir að hafa fundið taktinn í kjölfar brösulegrar byrjunar á mótinu. Þeir eru búnir að vinna síðustu fjóra leiki og skora í þeim 17 mörk og fengið á sig aðeins 2. Þeir eru á toppnum eins og er og leitast eftir því að styrkja stöðu sína þar. Í síðustu umferð gerðu þeir góða ferð norður á Húsavík þar sem þeir unnu Völsung 1-6.

Verið hjartanlega velkomin í þessa þráðbeinu textalýsingu frá leik Aftureldingar og Leiknis í Lengjudeildinni.