Frábær sigur hjá Framkonum sem spyrna sér nú af botninum og inn á miðjuna.

Takk fyrir samfylgdina í dag, Viðtöl og skýrsla koma inn síðar í dag!

Leiktíminn er að renna út og það er síðast séns hjá Víking að sækja jöfnunarmark

Víkingar setja boltann í markið en flaggið fer á loft... Þetta var tæpt! En mér sýndist Jasmín ekki nógu fljót að koma upp úr rangstöðunni

A.m.k. 4 mínútur í uppbótartíma, Víkingar leita og leita að jöfnunarmarki

Selma Dögg heppin að sleppa við spjald hérna, hreinlega hrindir leikmanni Fram frá boltanum eftir brot.

Fer í höndina á Hildi Maríu en mér sýnist hún vera með höndina alveg að líkamanum.
Víkingar hins vegar eru alveg trylltir út í Hallgrím dómara leiksins

Víkingar eru ekki sáttar með dómara leiksins hér, búinn að stoppa leikinn í tvígang á kritísku mómenti fyrir Víkinga, nú síðast skýtur Þórdís í hann, skil ekki staðsetninguna á hornum hérna!

Jasmín og Þórdís Hrönn ná góðu spili, Þórdís setur svo stórhættulegan bolta fyrir sem rétt fer framhjá markinu á fjær, það hefði verið svo auðvelt að hlaupa hreinlega þennan bolta inn ef Víkingskonur hefur verið mættar

Sara Svanhildur komin aftur inn eftir mínútu pásuna

Sara Svanhildur liggur eftir og fær aðhlynningu, Hallgrímur dómari ætlaði þó ekkert að stoppa leikinn fyrst og kallaði á Ashley í markinu að halda áfram

Víkingar brjóta á hættulegum stað rétt við vítateigshornið. Una tekur spyrnuna en það er beint í fangið á Kötlu

Hornið frá Söru Svanhildi, vandræðagangur í teignum og enda með öðru horni en það er yfir pakkann á fjær og ekkert kemur úr því

Alda kemur boltanum inn í þar eru bæði Sara Svanhildur og Taylor og þær sparka saman í boltann en í varnarmann, horn!

Una Rós tekur horn fyrir Framara, setur hann á fínan stað en Víkingur nær að koma boltan frá

Sara finnur Freyju Dís sem nær að setja boltann fyrir, Alda reynir að taka boltann og skjóta í snúningnum og nær því ekki almennilegum krafti í skotið og Katla í markinu nær honum án vandræða

Sara Svanhildur reynir skot af löngu færi en það er framhjá

Taylor Marie kemst framhjá Jóhönnu Elínu, nær fyrirgjöfinni en ekki nógu nákvæm og rennur útaf

Jóhanna Elín nælir í horn fyrir Víkinga, Bergdís sem fyrr tekur hornið! Setur hann stutt á Þórdísi, fær hann aftur og setur fyrir en Ashley kýlir boltann frá

Ágætis tilraun hjá Bergdísi en það er rétt framhjá

Copy - Paste af sömu færslu bara, reynir skot af sama færi en nú er það rétt yfir markið

Una Rós reynir skot langt utan af velli en það er framhjá, ágætis tilraun samt sem áður

Bergdís tekur horn fyrir Víking hittir á fínan stað en Ashley er ákveðin, stekkur í þetta og kýlir út.

Taylor Marie nælir í horn fyrir Fram, en ekkert kemur úr því.

Dagný að byrja hér að krafti á hættulega sendingu inn á teig sem Ashley rétt nær að slá frá

Víkingar hefja leikinn á ný!

0-1 í hálfleik fyrir Fram,

Sanngjarnt miðað við hvernig leikurinn hefur spilast en eins marks forysta er ekki neitt og Víkingar þurfa bara aðeins að vanda sig betur til að koma sér í betri stöður! Fram er hins vegar bara að nýta sér að Víkingur er að reyna að sækja og elska plássið sem myndast fyrir aftan varnarlínu Víkings.

A.m.k 1 mín í uppbótartíma

Alda nælir í horn fyrir Fram, Sara Svanhildur tekur það, Alda er fyrst á boltann en skallinn ekki góður og missir hann bara eitthvert,

Aftur er Alda að ógna fær boltann inn fyrir en flaggið fer á loft

Bergdís tekur spyrnuna sjálf, ætlar að setja hann á markið en vel framhjá

Una Rós brýtur á Bergdísi rétt fyrir utan teig, þetta er á fínasta stað!

Ashley með frábær tilþrif, stingur sér á fyrirgjöf og grípur boltann

Emma Steinsen kemst á rönnið og nær fyrirgjöfinni en aðeins of innarlega svo Ashley grípur þetta örugglega

Alda og Taylor gera vel inn í teig Víkinga, endar með skoti af stuttu færi frá Taylor en Katla rétt nær að verja þetta frá, Dauuuuuuðafæriiii!

Bergdís tekur horn fyrir Víkinga, kemur inn á miðjann teigin og skoppar þar tvisvar framhjá leikmönnum áður en Framkonur ná að koma þessu frá

Freyja við það að sleppa í gegn en Ashley Brown kemur út á móti og sparkar þessu frá

Bergdís með horn fyrir Víkinga en Taylor Marie stekkur kvenna hæst og skallar boltann frá

Alda kemst í annað hlaup nú á vinstri kantinum, Víkingar kalla rangstæðu en það gerir þó ekki til þar sem Alda nær ekki að leggja boltann almennilega fyrir sig og laust skot fer beint á Kötlu

Hornið frá Unu fer út í teiginn en þar er enginn til að taka við honum

Taylor Marie Hamlett er NAUTsterk! ýtir og leikur á Jóhönnu Elínu trekk í trekk og nælir svo í horn

Þetta hefur verið frekar lokaður leikur hingað til, bæði lið að reyna að gera það sama, finna liðsfélaga í hlaup innfyrir varnarlínu andstæðingsins eða skjóta fyrir utan, lítið verið að tengja sendingar

Emma Steinsen með ágætis tilraun en það er rétt framhjá markinu

Annað horn hjá Bergdísi en ekkert kemur úr því

Bergdís tekur horn fyrir Víking, boltinn berst að endingu til Jasmínar sem skýtur í varnarmann og framhjá markinu

Horn sem Una Rós tekur, þær ná skoti en rétt framhjá

Sara Svanhildur nær fyrirgjöf sem Brookelynn og varnarmaður skalla saman útaf rétt framhjá markinu

Víkingar byrja þetta af krafti! Þórdís Hrönn nær fyrirgjöf og það er hætta í teignum en brot dæmt

Alda Ólafs byrjar þennan leik fyrir Fram

Liðin taka hringinn og allt að verða klárt! Bæði lið í sínum hefðbundnu búningum

Hvorugur þjálfari gerir breytingu á byrjunarliði sínu í dag frá því í síðustu umferð. Þar sem Víkingar stóðu vaktina vel gegn Breiðablik þar til á 72. mínútu er flóðgáttirnar brustu og enduðu leikar 4-1. Fram hins vegar sótti góðan 0-1 sigur gegn Þrótti

Liðin mættust þann 11. maí sl. þar sem Víkingur fór með 0-1 sigur af hólmi, þegar Harpa Helgadóttir varð fyrir því óláni að skora sjálfsmark

Við getum svo sannarlega átt von á góðum leik í dag en bæði liðin eru í bullandi botnslag, þrjú stig í dag hins vegar fleytir öðru hvoru liðinu upp við hlið Þróttar í 6. sætið! Það í sjálfu sér ætti að peppa liðin í dag!

Framkonur sitja í 9. sætinu, sæti neðar en mótherjar þeirra í dag, Víkingur, þó með jafnmörg stig eða 10 stig. Ólíkt Víkingi hafa Framkonur hafa verið á skriði eftir hléið og hafa unnið sína tvo leiki, fyrst 3-2 gegn Breiðablik og svo 0-1 gegn Þrótti.

Víkingur situr í 8. sætinu með 10 stig, eða jafnmörg stig og mótherjar þeirra í dag, Fram, en hafa betri markatölu.
hefur ekki átt sjö dagana sæla eftir hléið en þær hafa tapað síðustu tveimur leikjum sínum. 1-3 gegn ÍBV og svo 4-1 gegn Breiðablik í síðustu umferð

Á flautunni í dag verður Hallgrímur Viðar Arnarson og honum til halds og trausts verða Jón Reynir Reynisson og Heimir Árni Erlendsson aðstoðardómarar.

Fjórði dómari er Óliver Thanh Tung Vú og eftirlitsmaður í dag er Ingvar Örn Gíslason.

Verið hjartanlega velkomin í textalýsingu þráðbeint frá Víkingsvellinum þar sem Víkingur tekur á móti Fram í 13. umferð Bestu deildarinnar.

Leikurinn hefst á slaginu 14:00