Ekkert færi í upbpótartímanum þrátt fyrir tvö upphlaup hjá Þór/KA.

Þór/KA siglir þessu heim, mikilvægur sigur fyrir heimakonur!

Skýrsla og viðtöl koma inn seinna í kvöld.

Þetta er að klárast.

Þóra Björg vinnur aukaspyrnu fyrir ÍBV. Fyrirgjafarstaða á kantinum.

Birgitta Rún Finnbogadóttir í mjög góðu færi, sleppur í gegn, en setur boltann rétt framhjá marki ÍBV. Birgitta nýkomin inn á.

Þór/KA í mjög hættulegri sókn en heimakonur ná ekki góðu skoti á markið.

ÍBV keyrir svo upp og Allison Patricia Clark endar sóknina á skoti framhjá marki Þórs/KA.

Frábær fyrirgjöf frá Elísu Bríeti á Hildi Önnu inn á teignum. Hildur nær fínum skalla sem Arden Joy La-Rose ver og kastar sér svo á frákastið og handsamar boltann.

Hildur Anna Birgisdóttir með skot yfir mark ÍBV. Va rétt fyrir utan teig, fékk sendingu frá Erin.

Elísa Bríet reynir að þræða Amalíu í gegn en sendingin er ekki nægilega nákvæm, þarna var séns til að klára þennan leik.

Þóra Björg Stefánsdóttir með skalla sem fer rétt framhjá marki Þórs/KA. Flott fyrirgjöf frá hægri frá Ágústu Maríu Valtýsdóttur.

Allison Patricia Clark með laust skot að marki Þórs/KA sem Alessandra Dorothy Augur ver auðveldlega.

Helena Hekla Hlynsdóttir og Karen Hulda í smá glímu og Helena fellur við. Einhver örlítil köll eftir vítaspyrnu heyrðist mér, en það var ekkert í þessu.

Þór/KA vinnur boltann ofarlega á vellinum, Karen María sendir á Erin sem reynir skot fyrir utan teig en boltinn fer yfir mark Eyjakvenna.

Elísa Bríet sýnist mér með skot vel fyrir utan teig ÍBV sem Arden Joy La-Rose ver þægilega.

Olga með skot við D-bogann sem Alessandra Dorothy Augur ver þægilega.

Kristín Klara Óskarsdóttir reynir skot vel fyrir utan teig sem fer í varnarmann Þórs/KA.

Í kjölfarið vinnur ÍBV aukaspyrnu í góðri fyrirgjafarstöðu.

Arna Sif skallar þennan bolta í burtu og Þór/KA getur aðeins andað.

Hættuleg fyrirgjöf frá Erin inn á teig ÍBV en boltinn aðeins of hátt fyrir Amelíu sem var á fjærstönginni.

Hætta inn á teig Þórs/KA en flaggið fer á loft.

Allison Patricia Clark með hörkuskot fyrir utan teig sem Augur handsamar í annarri tilraun.

ÍBV nær að þrýsta Þór/KA niður og það kemur fín fyrirgjöf en Þór/KA nær að hreinsa.

Sending til baka sem Arden Joy La-Rose kemst ekki í og Þór/KA fær ódýra hornspyrnu.

Boltinn inn á teiginn frá Erin en Arden grípur.

Álitlegur bolti frá Olgu en Þór/KA nær að hreinsa í innkast.

Olga Sevcova kemst í fínt færi en setur boltann framhjá nærstönginni. Smá klaufagangur hjá Þór/KA í aðdragandanum varð til þess að Olga komst í álitlega stöðu.

Ein breyting í hálfleik, Þóra Björg kemur inn hjá gestunum.

ÍBV byrjar með boltann í seinni.

Þór/KA komst snemma yfir og leiðir í hálfleik.

45+1

Avery Mae Vanderven með skalla að marki Þórs/KA en hann er ekki mjög fastur og Augur er í engu veseni með þetta.

Frábær fyrirgjöf frá Helena Hekla Hlynsdóttir inn á teig Þórs/KA og Arna Sif gerir það eina rétta og skallar boltann aftur fyrir. Hornspyrna.

Erin á hlaupinu upp hægri vænginn, kemur sér inn á teiginn en er of lengi að athafna sig og fær ekki almennilegt færi á að finna samherja inn á teignum.

Mættu vera fleiri, það er frábært veður.

Bríet með fyrirgjöf sem Erin skallar í átt að marki, boltinn í varnarmann og Erin vill fá hendi-víti. Ekkert dæmt og ég held að það sé rétt metið hjá Guðmundi dómara.

ÍBV fær aukaspyrnu á mjög hættulegum stað. Óbein aukaspyrna held ég.

Viktorija Zaicikova reynir skot yfir vegginn en það fer beint í vegginn.

Fridrikka Marie Clementsen með skot fyrir utan teig Þór/KA sem fer beint á Alessandra Dorothy Augur í marki Þórs/KA:

María Dögg með skot hársbreidd framhjá marki ÍBV. Flottur sprettur hjá Huldu Ósk í aðdragandanum.

Flott sókn hjá Þór/KA, Erin spræk í framlínunni. Hún nær ekki að finna samherja inn á teignum og svo á Bríet fyrirgjöf sem hittir ekki samherja og ÍBV fær boltann.

Fín sókn hjá Þór/KA endar með skoti frá Margréti í varnarmann.

ÍBV keyrir upp, kemst í fína fyrirgjafarstöðu en boltinn frá Allison Grace Lowrey er aðeins of innarlega og Augur kemur út og handsamar boltann.

Reddar sjálfri sér og Örnu Sif!

Augur á slaka markspyrnu sem Arna Sif reynir að fleyta áfram en það mistekst algjörlega. Allison Patricia Clark sleppur í gegn en Augur sér við henni, mjög vel varið!

ÍBV á horn, ekkert kemur úr því.

Rólegt yfir þessu síðustu mínútur, ÍBV aðeins meira með boltann.

Þór/KA fær horn.

Boltinn unninn hátt eftir pressu og Bríet reynir fyrirgjöf sem fer af varnarmanni og aftur fyrir.

Smá skallatennis inn á teig ÍBV eftir hornið en ÍBV nær svo að hreinsa.

Langur bolti inn á teig ÍBV, Arden Joy La-Rose gerir mjög vel að grípa þennan bolta í baráttunni við Amalíu.

Hulda Ósk vinnur hornspyrnu fyrir Þór/KA, Edda Dögg Sindradóttir setur boltann aftur fyrir.

ÍBV skallar spyrnu Erin í burtu og boltinn fer í Guðmund dómara og hann stöðvar leikinn, svekkjandi fyrir Þór/KA sem var í skotfæri.

Allison Patricia Clark reynir skot/fyrigjöf en boltinn í varnarmann.

ÍBV vinnur hornspyrnu sem ekkert kemur úr.

Hulda Ósk og Fridrikka eru svo í mikilli baráttu á kantinum, Hulda með boltann og kemur sér inn á teig ÍBV af miklu harðfylgi, en nær ekki að finna samherja.

Allison Patricia Clark lætur vaða fyrir utan teig Þórs/KA en skotið fer yfir markið.

Erin sendir á Amalía sem á fínasta skot fyrir utan teig sem Arden Joy La-Rose grípur.

Augur
María Dögg - Karen Hulda - Arna Sif - Angela
Karen María - Margrét
Margrét - Amalía - Hulda Ósk
Erin

Fyrsta tilraun á mark í leiknum.

Karen María með laust skot af vítateigslínunni sem Arden Joy La-Rose ver þægilega.

Aukaspyrna hjá Þór/KA, botlinn inn á teig ÍBV og Margrét kemst í boltann á fjærstönginni. Hún reynir skot sem fer af varnarmanni og aftur fyrir. Fyrsta hornspyrnan.

Ekkert kom upp úr henni, María Dögg brýtur svo af sér fyrir utan teig ÍBV og fær tiltal.

Arden
Kristín - Sandra Voitane - Avery - Hekla
Edda - Viktorija
Allison Clark - Fridrikka - Olga
Allison Grace

Karen María með fyrstu tilraun leiksins, skot fyrir utan teig sem fer framhjá marki ÍBV:

ÍBV spilar með golunni í fyrri hálfleik.

Þór/KA er í sínum hefðbundnu svörtu búningum og ÍBV í sínum hefðbundnu hvítu treyjum.

Ég fer að missa töluna á því hversu margir dagar þetta eru í röð núna, bongó að venju á Akureyri.

Talsvert meiri gustur hins vegar heldur en í gær og vindurinn mun eflaust hafa einhver áhrif á leikinn.

Alli Jói, þjálfari Þórs/KA, gerir eina breytingu á sínu liði frá leiknum gegn Stjörnunni. Amalía Árnadóttir kemur inn í liðið fyrir Elísu Bríeti sem tekur sér sæti á bekknum.

Jón Óli, þjálfari ÍBV, gerir enga breytingu á sínu liði frá sigrinum gegn Val.

Landsliðskonan Sædís Rún Heiðarsdóttir er spákona umferðarinnar.

Þór/KA 0 - 3 ÍBV (16:00 í dag)
Erlendu leikmenn ÍBV halda áfram á góðri siglingu. ÍBV vinnur þægilegan 3-0 sigur.

Ágústa María Valtýsdóttir er þá komin í ÍBV frá Val, er komin með leikheimild fyrir leikinn og byrjar á bekknum í dag.

Dómarinn í dag er Guðmundur Páll Friðbertsson. Honum til aðstoðar eru þeir Daníel Ingi Þórisson og Aðalsteinn Tryggvason.

Fjórði dómari er Bergvin Fannar Gunnarsson og dómaraeftirlitsmaður
er Tryggvi Þór Gunnarsson.

ÍBV situr í 4. sæti deildarinnar með 20 stig. Liðið hefur unnið tvo leiki í röð, fyrst Víking á útivelli og síðast Val á heimavelli. ÍBV gæti farið upp í 3. sæti með sigri í dag.

Þór/KA situr á botni deildarinnar með níu stig. Liðið hefur hins vegar verið á fínu skriði og tapaði naumlega 3-2 gegn Stjörnunni í síðustu umferð. Þór/KA gæti farið upp um fjögur sæti með sigri í dag.

Fyrri leikur þessara liða endaði með 2-0 sigri ÍBV í Eyjum.

Góðan daginn lesendur góðir og verið þið velkomnir í beina textalýsingu frá leik Þórs/KA og ÍBV á VÍS vellinum á Akureyri.

Leikurinn er liður í 12. umferð Bestu deild kvenna og hefst klukkan 16:00.