Þegar þessi lið mættust fyrr á tímabilinu var ekki beint flugelda sýning. Leiknum lauk með 0-0 jafntefli á JBÓ-vellinum.
Við vonumst klárlega eftir skemmtilegri leik í kvöld.

Það var heldur betur fjör og nógu um að vera í síðasta leik hjá Njarðvík.
3-2 sigur á HK var það í lokinn en Davíð Smári Lamude þjálfari og Oumar Diouck leikmaður Njarðvíkur fengu báðir að lýta rautt spjald og eru í banni í kvöld. En maður í manns stað og allt það. Liðið er í síðasta umsspilssætinu (5.sæti) einsog staðan er núna og stefna þeir eflaust að koma sér örugglega í þann pakka fyrir lok tímabils.
Njarðvík hefur unnið síðustu fimm heimaleiki sína, en á útivelli líkt og í kvöld hefur liðið tapað síðustu þremur. Þeir hafa ekki verið mikið fyrir jafnteflin þeir grænklæddu en síðasta jafntefli kom einmitt gegn Ægir þann 23.maí.Bragi Karl Bjarkason er markahæstur í liði Njarðvíkur með 7mörk.

Heimaliðið hér í kvöld hefur verið að sýna allt annað en sýnar bestu hliðar upp á síðkastið. Síðasta stig þeirra í deildinni kom 26.júni með 0-0 jafntefli við Grindavík og síðasti sigur Ægis var 31.maí (3-2 gegn Völsungi). Síðasti leikur hjá Ægi var 6-1 tap gegn Gróttu, en liðið hefur fengið góðan tíma á milli því sá leikur var spilaður 18.júlí.
Spurning hvort það hafði góð eða slæm áhrif á liðið. Það er allavega verðugur andstæðingur og bæði lið koma eflaust hungruð í stigin þrjú þó þau séu í sitthvor baráttunni á töflunni.Jordan Adeyemo er markahæsti leikmaður Ægis með 8mörk sem gerir hann einnig fimmta markahæsta í Lengjudeildinni.

Hreinn Magnússon er á flautunni.
Ronnarong Wongmahadthai og Rögnvaldur Þ Höskuldsson eru Aðstoðardómarar.
Dómaraeftirlitsmaður er Gunnar Helgason.

Heil og sæl veriði lesendur góðir, hér í kvöld verður lýsing frá GeoSalmo vellinum í Þorlákshöfn þar sem að Ægir fær Njarðvík í heimsókn.
Þetta er leikur í 16.umferð Lengjudeildarinnar.