Ekkert kemur úr horninu og niðurstaðan jafntefli. Frábær leikur hér í Vesturbænum! Skýrsla og viðtöl væntanleg seinna í kvöld.

Tíminn að renna út og KR fær horn.

KR í sókn og þeir lyfta boltanum inn í teig. Boltinn dettur þá fyrir Ástbjörn í dauðafæri en hann bara hittir ekki boltann þegar hann reynir skotið, boltinn dettur þá aftur fyrir hann en þá eru Blikar tilbúnir að koma sér fyrir.

Frábær stungusending hjá Óla Val inn fyrir á Ágúst Orra sem tekur eins snertingu inn á teig, og tekur svo skotið en beint á Halldór, vissulega úr þröngu færi.

Anton Logi fer eitthvað svakalega auðveldlega framhjá sínum manni og er þá kominn í frábæra stöðu inn í teig. Hann leggur boltann út í teig, og mér sýnist Þorleifur ná smá snertingu á boltann í átt að marki en Akoto er mættur á línuna að hreinsa frá.

Ágúst Orri með skotið fyrir utan teiginn, en þessi fer yfir markið.

Blikar með hornið beint á pönnuna á Jónatan sem tekur skallan í varnarmann og afturfyrir.

Blikar koma hratt upp hinumegin og þá er það Jónatan sem keyrir inn á teiginn og reynir skotið en í varnarmann og horn.

Jason DAði með skotið fyrir utan teig en Anton ver vel frá honum

Það er bongó og geggjaður leikur í gangi. Þá mæta líka bara 2887 manns á leikinn. Takk fyrir!

Fyrst kemur hann með frábæra snertingu til að skylja Gabríel eftir í rykinu. Þá keyrir hann upp hægri kantinn, og kemur svo með fullkomna sendingu á fjær á Þorleif. Þorleifur svo með skotið af stuttu færi en Halldór ver vel frá honum!

Hornspyrna hhá KR sem fer á nær. Ástbjörn nær skotinu á nær en í varnarmann og boltinn dettur beint fyrir Luke Rae sem reynir þrumuskot en ótrúleg fórnun hjá Ívar Erni sem kastar sér fyrir boltann og liggur svo eftir, fastur bolti beint í pönnuna á honum.

Galdur kemur upp vinstri kantinn, fer framhjá sínum manni og leggur boltann fastan fyrir á nær. Eiður er þar í dauðafæri, nær skotinu en Anton ver frábærlega. Boltinn fellur þá fyrir Luke Rae á fjær þar sem hann nær skallanum með opið markið fyrir framan sig en í stöngina!

Þetta er rosalegur leikur!

Blikar með aukaspyrnu og Davíð lyftir boltanum á fjær. Þar mætir Hlynur sem nær að renna sér í boltann til að gefa boltann aftur fyrir og Kristófer Ingi er hársbreidd frá því að ná að pota í boltann en KR-ingar ná að hreinsa.

Hrafn rennur í öftustu línu og gefur Kristófer bara boltann við D-bogann. Kristófer er þá einn gegn markmanni og vippar yfir Halldór en Gabríel nær að hlaupa til baka og bombar boltanum frá tveim metrum frá marki.

Því miður er þessum hálfleik lokið. Þvílík skemmtun þessi leikur, færi á báða bóga en Blikar verið aðeins betri og nýtt færin sín betur. Maður vonast bara eftir því sama í seinni.

Óli Valur með skotið fyrir utan teig en þetta fer beint á Halldór

Blikar fá aukaspyrnu á stórhættulegum stað!

Arnór Ingvi reynir skotið fyrir utan teig, en þessi hátt yfir. Arnór ekki búinn að vera skjóta vel.

Löng sending fram hjá KR og það virtist eins og allir hafi haldið að Arnór væri rangur en hann var það ekki. Hann er þá bara sloppinn í gegn og kemst í skotið, en aftur er það slappt og frekar auðvelt fyrir Anton að verja.

Luke Rae geysist upp hægri kantinn, leggur svo boltann til baka á Arnór Ingva sem er í góðri skotstöðu en skotið hans ekki nógu gott. Beint á Anton.

Óli Valur með geggjaða snertingu framhjá Gabríel og með henni er hann bara sloppinn í gegn. Hann reynir fyrst afleira sendingu sem fer í varnarmann en hann fær hann aftur. Þá leggur hann boltann á Ágúst sem kemur strax með hælsendingu á Þorleif inn í teig. Þorleifur með skotið en rétt framhjá!

Ágúst Orri með boltann úti vinstra meginn, leggur boltann inn í teig á Þorleif sem nær snertingunni rétt á undan Halldóri. Halldór getur þá ekki annað en tekið hann niður, hárrétt dómgæsla.

Galdur tekur eina snögga hreyfingu og býr sér til pláss, tekur skotið en yfir.

KR með aukaspyrnu og Aron tekur spyrnuna hratt. Vippar boltanum inn í teig áður en Blikar geta hugsað, og Eiður nær skalla á frábærum stað en Anton ver rosalega vel!

KR-ingar í góðri sókn, spila vel á milli sín og boltinn berst til Arons fyrir utan teig sem á skotið en hann rennur rétt framhjá markinu!

Þetta eru ótrúleg byrjun á leiknum það er endalaust af færum!

Óli Valur með boltann fyrir utan teig og nær skotinu. Skotið fer í varnarmann en dettur svo laus inn í teig en Halldór er fljótur út að handsama boltann.

Breiðablik með aukaspyrnu vinstra megin á miðjum vallarhelmingi KR. Höskuldur tekur spyrnuna og lyftir boltanum á fjær. Þar rís Hlynur hæst nær skallanum aftur fyrir og Kristófer í dauðafæri nær skotinu en hann smellur af slánni!!

Arnór Ingvi með spyrnuna inn á teiginn og Finnur nær skallanum á nær. Boltinn fer inn í þvöguna en enginn sóknarmaður nær til hans og Blikar hreinsa.

Fyrirgjöfin inn í teig hjá KR beint á Arnór Ingva sem er í mjög góðri stöðu. Hann tekur skotið en þessi fer framhjá.

Kristófer Ingi fer auðveldlega framhjá hverjum varnarmanni eftir öðrum, valsar inn á teig og ætlar að leggja boltann fyrir samherja en hittir ekki á neinn!

KR-ingar með seinni spyrnuna núna lyftir Arnór boltanum inn í miðjan teiginn og Eiður nær skallanum en beint á Anton í markinu.

Arnór Ingvi með hornspyrnu á nær og Aron nær skotinu eftir spyrnuna en í varnarmann og KR fær aðra hornspyrnu.

Höskuldur vinnur boltann ofarlega á vellinum. Kemur upp hægri kantinn og sendir svo eitraða sendingu inn í teiginn. Þar er Þorleifur mættur og tekur fastan skalla en framhjá markinu.

Sterk byrjun hjá gestunum.

Mér sýnist liðin vera í einhverju þessu líku.

Uppstilling KR 3-3-3-1

Halldór
Ástbjörn - Finnur - Gabríel
Arnór Ingvi - Orri - Hrafn
Luke Rae - Aron - Galdur
Eiður

Uppstilling Breiðablik 4-4-2

Anton
Hlynur - Viktor - Ívar - Davíð
Óli - Höskuldur - Gabríel - Ágúst
Kristófer - Þorleifur

Þórður flautar og við erum farin af stað!

Liðin og dómarar labba inn á völl. Það eru tvær mínútur í að við hefjum þessa veislu!

Besta lið sem Blikar hafa stillt upp lengi, Ég persónulega ætla þó á KR -1 á 1,8 og verja mig á Breiðablik yfir 1,5 mark á 1.8 á Epic þar sem ég sé þetta alveg enda 4-3 eða 5-3 fyrir KR.

— Kristalkúlan (@kristalkulan) August 16, 2026

Óskar Hrafn Þorvaldsson þjálfari KR gerir eina breytingu á sínu liði frá 5-2 sigrinum gegn Fram í síðustu umferð. Ástbjörn Þórðarson kemur inn í liðið á meðan Hjalti Sigurðsson færir sig yfir á bekkinn.

Ólafur Ingi Skúlason þjálfari Breiðabliks gerir tvær breytingar á sínu liði frá 3-1 tapinu gegn Val í síðustu umferð. Ásgeir Helgi Orrason er ekki með liðinu í dag, en Dagur Örn Fjeldsted sem byrjaði síðasta leik er með, en færist yfir á bekkinn. Fyrir þá koma Viktor Örn Margeirsson og nýji maðurinn Þorleifur Úlfarsson.

Karl Ágúst Karlsson, skoraði fyrra mark HK í 2-1 sigri á Leikni í vikunni. Hann er spámaður umferðarinnar að þessu sinni.

KR 3-1 Breiðablik
KR-ingar eru of sterkir fyrir Blikana og keyra yfir þá í leiknum. Aron Sig með tvö mörk og Eiður með eitt mark. Dagur Örn minnkar muninn en það dugar þeim ekki. KR taka stigin þrjú og færa sig nær Vikingum.

Þórður Þorsteinsson Þórðarson verður með flautuna í kvöld en honum til aðstoðar verða Egill Guðvarður Guðlaugsson og
Guðmundur Ingi Bjarnason. Stefán Ragnar Guðlaugsson verður fjórði dómari og Jón Magnús Guðjónsson dómaraeftirlitsmaður.

Það hefur verið töluverð ólga meðal stuðningsmanna Breiðabliks sem hafa verið óánægðir með spilamennsku liðsins. Þeir sitja í 4. sæti deildarinnar en eru ekki nálægt því að berjast við þau þrjú lið sem eru ofar í deildinni. Ólafur Ingi þjálfari liðsins hefur hins vegar verið að blóðga töluvert af ungum leikmönnum og um síðustu helgi staðfestu þeir að framherjinn Þorleifur Úlfarsson sé kominn aftur til félagsins. Spurning hvort hann geti gefið þeim kraftinn sem liðinu hefur vantað.

KR-ingar eru í 2. sæti deildarinnar og nú aðeins sex stigum á eftir Víkingum. Þeir hafa verið á svakalegri siglingu undanfarið á meðan Íslandsmeistararnir hafa verið að tapa stigum á meðan þeir eru í sinni Evróputörn. Það er því mikil bjartsýni í Vesturbænum núna þegar níu leikir eru eftir af deildinni að þeir geti náð þeim og það verði alvöru spenna um efsta sætið í lokin.

Komið þið sæl og verið velkomin í beina tetalýsingu frá leik KR og Breiðablik í 19. umferð Bestu deildar karla.

Leikurinn hefst klukkan 18:00 og verður spilaður á Mestaravöllum.
sunnudagur 16. ágúst

Besta karla
18:00 KR-Breiðablik (Meistaravellir)
18:00 FH-Víkingur R. (Kaplakrikavöllur)
18:00 ÍBV-ÍA (Hásteinsvöllur)

mánudagur 17. ágúst

Besta karla
18:00 Valur-KA (N1-völlurinn Hlíðarenda)
19:15 Fram-Stjarnan (Lambhagavöllurinn)