Leik lokið hér á Seltjarnarnesi, lokatölur 3-1 fyrir ÍR. Sanngjörn niðurstaða enda spilaði ÍR virkilega góðan leik á báðum endum vallarins.

Ég þakka fyrir samfylgdina, skýrsla væntanleg seinna í kvöld.

Enginn uppbótartími gefinn upp, en ég giska á um 2-3 mínútur.

Orri Bjarkason kemst upp völlinn og inn á teig, hann á svo skot sem Guðmundur ver.

Grótta komast loksins í færi en það er dæmd rangstæða á Patrik Orra.

ÍR hafa öll tök á þessum leik og það virðist vera mun líklegra að þeir bæti við mörkum en að Grótta skori eins og þessi leikur hefur spilast. Það hefur mjög lítið gengið upp hjá Gróttu í dag sérstaklega sóknarlega.

Guðjón Máni kemst í þokkalega skotstöðu en skýtur framhjá. Hann er búinn að skora tvö mörk í dag og vill líklega bæta við því þriðja.

ÍR komast auðveldlega upp völlinn og boltinn endar á Emil Nóa sem á gott skot upp í hægra hornið sem Guðmundur ver vel.

Rúnar Páll virðist hafað breytt skipulaginu á sínu liði í hálfleik. Tristan Freyr fór af hægri kantinum í vinstri bakvörðinn. Dagur Bjarkason fór úr hægri bakverði inn á miðjuna og Mattías Kjeld fór út ,,tíunni" upp á hægri kant.

Hingað til hafa þessar breytingar haft lítil áhrif og Grótta á ekki séns.

Rétt fyrir brotið var mikill darraðardans í teig Gróttu sem endaði á því að Grótta kom boltanum frá.

ÍR hafa sótt mikið fyrstu mínútur seinni hálfleiks.

Grótta þurfa heldur betur að stíga upp ef þeir ætla að sækja stig í þessum leik.

Hálfleikstölur eru 2-0 fyrir ÍR. Grótta hefur verið mun meira með boltann, en hafa að engu leiti ógnað marki ÍR sem líður virkilega vel með hvernig leikurinn er að spilast.

Grótta fá horn.

Fyrsta hornspyrnan er hreinsuð í horn og sú seinni er hreinsuð frá af Vilhelm í marki ÍR.

Grótta hefur haldið mikið í boltann eftir mark ÍR, en eiga erfitt með að komast í gegnum góðan varnarleik ÍR.

Fyrri hálfleikur rúmlega hálfnaður, það er mikið jafnræði með liðinum en ÍR hafa komið sér í betri stöður en Grótta.

Það væri gott fyrir leikinn að fá eitt mark.

Góð skyndisókn hjá ÍR endar á skoti frá Orra Bjarkasyni sem er beint á Guðmundi sem handsamar boltann.16

Algjör misskilningur í vörn Gróttu þar sem Guðmundur Rafn kemur langt út úr markinu að sækja boltann en Halldór Hilmir sá það ekki og potaði boltanum til hliðar beint á ÍR-ing sem á skot rétt framhjá á opið markið.

ÍR-ingar hafa ekki verið sáttir með dómgælsuna fyrstu 10 mínúturnar. Það heyrist vel í Jóhanni Birni og Ágúst Unnar fór á lítin fund með Hreini dómara til að ræða málin.

Grótta fær aukaspyrnu á miðjum velli sem þeir taka hratt, boltinn ratar á Mattías Kjeld sem er sloppin í gegn en er rangstæður.

Rólegt yfir þessu fyrstu mínúturnar, liðin tvö skiptast á halda boltanum og leita af lausnum.

Orri Bjarkason á fyrstu marktilraun dagsins. Orri átti góðan sprett sem endaði á skoti framhjá.

Góða skemmtun!

Liðin ganga til vallar hér á Seltjarnarnesi og gera sig klár í að byrja þessa veislu.

Rúnar Páll Sigmundsson þjálfari Gróttu gerir eina breytingu á sínu liði, Björgvin Brimi Andrésson kemur inn í liðið og Viktor Orri Guðmundsson fær sér sæti á bekknum.

Jóhann Birnir Guðmundsson þjálfari ÍR gerir engar breytingar á sigur liðinu gegn Njarðvík í síðustu umferð.

Róbert Hauksson, sóknarmaður Fram, tók að sér það verkefni að spá í leikina sem eru framundan.

Grótta 2 - 2 ÍR (19:15 í kvöld)

,,Kjartan Leifur, blaðamaður og ÍR-ingur mikill, þarf því miður að sætta sig við eitt stig úr þessum leik sem reynist þó gulls ígildi í baráttu þeirra um áframhaldandi veru í deildinni. Þessi leikur verður mikil skemmtun í logninu á Seltjarnarnesi þar sem dramatískar lokamínútur verða til þess að liðin skipta á milli sín stigunum. Bæði lið ganga ósátt af velli með úrslitin."

Liðin tvö mættust í 9. umferð Lengjudeildarinnar í Breiðholtinu og þar vann ÍR 2-1, með mörkum frá Víði Frey Ívarssyni og Ívan Óla Santos. Mark Gróttu skoraði Einar Tómas Sveinbjarnarson.

ÍR sótti virkilega sterkan sigur gegn Njarðvík í síðustu umferð sem voru lífsnauðsynleg í fallbaráttunni sem þeir eru í. ÍR er í 9. sæti með 22 stig og er tveimur stigum frá fallsæti.

Gengi ÍR í síðustu 5 leikjum hefur verið flott, liðið hefur sótt 10 stig af 15 mögulegum sem hefur verið mjög mikilvægt. Sérstaklega vegna þess að liðin í kringum þá hafa verið að safna stigum.

Grótta hefur komið mikið á óvart á tímabilinu og eru í mikilli umspilsbaráttu. Liðið situr í 6. sæti Lengjudeildarinnar með 27 stig og leik til góða á öll liðin fyrir ofan sig nema Aftureldingu, en liðin tvö mætast á þriðjudaginn næsta.

Í síðustu umferð gerði Grótta tíðindalítið 0-0 jafntefli við Grindavík.

Dómari leiksins í dag er Hreinn Magnússon og honum til halds og trausts eru þeir Tryggvi Elías Hermannsson og Bergur Daði Ágústsson. Eftirlitsmaður KSÍ er Skúli Freyr Brynjólfsson.

Góða kvöldið kæra fólk og verið velkomin í þessa þráð beinu textalýsingu á leik Gróttu og ÍR í 20. umferð Lengjudeildar karla. Leikurinn byrjar á slaginu 19:15. Góða skemmtun.


föstudagur 21. ágúst
18:00 Ægir-Afturelding (GeoSalmo völlurinn)
19:15 Grótta-ÍR (Vivaldivöllurinn)

laugardagur 22. ágúst
14:00 HK-Þróttur R. (Kórinn)
14:00 Fylkir-Grindavík (tekk VÖLLURINN)
15:00 Vestri-Leiknir R. (Kerecisvöllurinn)
16:00 Njarðvík-Völsungur (JBÓ völlurinn)