SKÝRSLAN: Þróttur sótti þrjú stig til Eyja
Hvað réði úrslitum?
Þróttur var betri liðið heilt yfir í leiknum í dag. Þær voru með mikla yfirburði í fyrri hálfleik og skoruðu tvö fín mörk með stuttu milli bili. Eyjakonur klóruðu aðeins í bakkann en mér fannst einhvernveginn allan tímann eins og Þróttur væri með þetta.
Bestu leikmenn
1. Katherine Amanda Cousins
Var mjög góð inn á miðsvæðinu hjá Þrótti. Er svo örugg á boltann og er alltaf með næsta skref á hreinu á undan öllum öðrum. Sýndi flotta takta allan leikinn.
2. Jelena Tinna Kujundzic
Jelena var ótrúlega örugg í vörninni hjá Þrótti í dag. Kom oft í veg fyrir að ÍBV kæmi sér í dauðafæri með því að ná að hreinsa eða koma sér fyrir lokasendinguna. Er svo bara örugg á boltann og góð í uppspilinu.
Atvikið
Markið sem Milena Mihaela Patru skoraði en hún er aðeins 15 ára og skoraði sitt fyrsta mark í efstu deild fyrir ÍBV þegar hún minnkaði muninn með skoti úr teignum. Olga fékk líka mjög gott færi til að jafna leikinn stuttu síðar og var skotið hennar út teignum mjög slakt, mjög svo ó?íkt henni.
Hvað þýða úrslitin?
ÍBV er áfram í fjórða sætinu með 24 stig. Gríðarlega mikilvægur sigur Þróttar kom þeim upp í sjötta sætið, með 21 stig og þar með í efri hlutann.
Vondur dagur
Mér fannst ÍBV liðið ekki vera á sínum degi í kvöld. Viktorija Zaicicova var tekin útaf í hálfleik og átti ekki góðan dag. Þá var sóknarlína ÍBV frekar slök, Lowrey, Ágústa María og Olga hafa oft sýnt okkur meira.
Dómarinn - 5
Margir skrýtnir dómar hjá tríóinu í dag enda var allt brjálað í stúkunni bæði ÍBV megin og hjá þeim nokkrum Þrótturum sem gerðu sér ferð til Eyja. Skrýtnir rangstöðudómar og brot.