Stefán Marteinn Ólafsson @Stefanmarteinn7

Hvað réði úrslitum? Víkingar byrjuðu leikinn betur og komust verðskuldað yfir. Víkingar voru óheppnir að skora ekki annað mark en boltinn fór í þverslánna. Lofandi staða í hálfleik og maður var bjartsýnn fyrir framhaldið. Seinni hálfleikurinn var hinsvegar algjörlega í eigu Borac og þeir kláruðu þetta bara fagmannlega í seinni. Svekkjandi niðurstaða eftir lofandi byrjun en 6-2 niðurstaða í einvíginu staðreynd. Bestu leikmenn 1. Amer Hiros Var stöðugt til vandræða og lét Víkinga hafa vel fyrir sér. Skapaði hættur og vann vel fyrir liðið. 2. Luka Juricic Skoraði annað markið og er líklega ekki velkominn í Fossvogin í bráð. Gef honum þennan dálk bara fyrir einvígið í heild. Atvikið Jöfnunarmark FK Borac úr aukaspyrnu. Fast skot frá Sebastian Herera og þarna fann maður svolítið vonina byrja að bresta hjá Víkingum.

Hvað þýða úrslitin? Víkingar eru úr leik í Evrópukeppni í ár og FK Borac fer í deildarkeppni Sambandsdeildarinnar. Vondur dagur Erfitt að taka einhvern einn fyrir í þessum dálki. Aron Elís óheppinn að koma Víkingum ekki í tveggja marka forystu þegar tilraun hans fór í þverslánna. Valdimar Þór hefði mátt koma sér í einhver færi. Stígur Diljan var öflugur í fyrri en sást lítið í seinni og hægt að segja það sama um Hrannar Snær og í raun bara allt Víkingsliðið. Var vont að sjá þá í seinni hálfleiknum eftir lofandi fyrri hálfleik. Dómarinn - 4 Full glaður á flautunni oft í garð Víkinga. Hataði ekkert að taka stöðufundi en hans frammistaða var þó ekki neinn áhrifavaldur.

- Meðalaldur 28 ár

- Meðalaldur 25 ár