Stefán Marteinn Ólafsson @Stefanmarteinn7

- Meðalaldur 23 ár

- Meðalaldur 23 ár

Hvað réði úrslitum? Það voru jafnræði með liðunum framan af sérstaklega í fyrri hálfleik. Keflavík að einhverju leyti mögulega sterkari aðilinn í fyrri en það var allt önnur saga í seinni hálfleiknum. FH var með öll völd í seinni þó Keflavík hafi aðeins náð að lyfta sér ofar völlinn eftir því sem á leið þá fannst manni sigur FH aldrei vera ein neinni hættu. Bestu leikmenn 1. Gils Gíslason (FH) Hann er það sem skilur á milli í dag. Skorar jöfnunarmarkið og leggur upp annað markið með frábærum sprett. Spilar bara klukkutíma en hann gerði heldur betur nóg á þessum klukkutíma. 2. Ísak Óli Ólafsson (FH) Mætti uppeldisklúbbnum og skilaði frábærri frammistöðu og þá sérstaklega í seinni. Var í stöðugum barningi við Stefan Ljubicic félaga sinn og hélt vel aftur af sóknarmönnum Keflavíkur í seinni ásamt Oliver Stefánssyni. Verð líka að nefna Ásgeir Orra hérna í marki Keflavíkur en hann kom í veg fyrir það að sigur FH væri stærri og þægilegri. Atvikið Gils Gíslason sprengir upp hægri vænginn og kemur með frábæra fyrirgjöf á Kjartan Kára til þess að koma FH yfir í leiknum. Það er það sem skilur á milli.

Hvað þýða úrslitin? FH sækja dýrmæt þrjú stig og koma sér í smá andrými frá rauðu línunni með 21 stig, fjórum stigum frá fallsæti. Keflavík sitja áfram í 5. sæti deildarinnar með sín 28 stig og fara í mögulegan úrslitaleik í síðustu umferðinni um að vera í efri helmingnum eftir skiptingu. Vondur dagur Alpha Conteh og Eiður Orri Ragnarsson voru ekki að ógna jafn mikið og maður hefði viljað. Sáust svo varla í seinni hálfleiknum og duttu vel niður eins og allt Keflavíkurliðið. Það að þeir tveir detti niður í frammistöðu sést á Keflavíkurliðinu og það sást í seinni hálfleiknum í dag. Dómarinn - 6 Margt gott í frammistöðu teymisins og sumt ekki svo gott. Heilt yfir var þetta bara nokkuð ágætt.

- Meðalaldur 26 ár

- Meðalaldur 24 ár