Selfoss er sigursælasta lið í Fótbolta.net bikarnum. Ég ætla að hoppa niður og grípa menn í viðtöl, takk fyrir mig!

Fáum við dramatík í lokin hérna?

Einar Karl tekur spyrnuna inn á teiginn sem Selfyssingar gera vel í að hreinsa frá.

Haukamenn sækja og fá horn, þetta verða líflegar lokamínútur geri ég ráð fyrir!

Nú fer Sigurður Hrannar niður í teignum og Haukarnir tryllast og vilja víti!

Tómas Atli fer niður í teignum eftir snertingu frá varnarmanni Selfoss og Haukarnir tryllast, þeir vilja víti en fá ekki. Þetta fannst mér á tæpu svæði!

Vel spilað hjá Haukunum hér en Arnar Númi þræðir boltanum í gegn á Jón Arnar sem er kominn einn gegn Filip og nær fínu skoti en Filip gerir vel í að verja.

Leikurinn hefur farið fremur rólega af stað í þessum síðari hálfleik. Liðin að þétta raðirnar og taka enga sénsa þessa stundina.

Einar Karl tekur spyrnuna inn á teiginn á Daða Snæ sem skallar boltann yfir.

Selfyssingar verjast þessu þægilega en fá aðra hornspyrnu á sig skömmu síðar.

Óliver Steinar með skot fyrir utan teiginn sem fer rétt yfir markið. Heiðarleg tilraun hjá Óliver!

Sé ekki hver kemur með fyrirgjöfina ég var ennþá að koma mér fyrir en Arnar Númi fær boltann einn og óvaldaður á teignum nánast. Hann tekur skotið í fyrsta sem fer nánast beint á Filip í marki Selfoss.

Viðar Örn sparkar okkur í gang á ný, góða skemmtun!

Allt jafnt í hálfleik. Haukarnir byrjuðu betur en Selfyssingar hafa unnið sig inn í leikinn.

Tökum okkur korterspásu og mætum svo með síðari hálfleikinn að vörmu!

Viðar Örn tekur spyrnuna, skotið fer rétt yfir.

Jón Arnar keyrir upp völlinn og kemur með boltann fyrir á Magnús Inga sem rennir honum á markið en Filip ver þetta þægilega.

Frosti fær boltann í gegn eftir huggulegan undirbúning Viðars. Hann reynir að senda hann fyrir þegar hann er kominn einn gegn Sveini en fær boltann aftur áður en hann rennir honum fyrir markið þegar engin er í marki nema varnarmenn Hauka. Á einhvern hátt fer þessi bolti ekki inn eða á markið.

Þarna átti Frosti að skjóta!

Viðar Örn með skallan á markið af stuttu færi sem Sveinn Óli ver stórkostlega. Fastur skalli og gífurlega góð varsla hjá Svenna sem þurfti að taka á honum stóra sínum.

Ekkert sem kemur úr þessu, Selfyssingar verjast vel.

Haukamenn verjast þessu vel.

Jón Arnar rúllar boltanum á Daða sem reynir skot en Selfyssingar kasta sér fyrir það í algjörri nauðvörn. Haukamenn eru mikið betri.

Daði tekur spyrnuna inn á teiginn sem Selfyssingar hreinsa frá.

Daði Snær fer niður í teignum eftir baráttu við varnarmenn Selfyssinga. Haukamenn vilja víti en fá ekkert fyrir sinn snúð. Horn samt sem áður sem Hafnfirðingar fá.

Það var ekkert á þetta að mínu mati. Ekki nóg til að vera víti.

Langur bolti inn á teig Selfyssinga og það myndast smá klafs áður en Sigurður Hrannar á skot í varnarmann sem Selfyssingar hreinsa síðan frá.

Haukamenn líklegri þessar upphafsmínútur.

Jón Arnar Barðdal með fína takta úti hægra meginn og kemur með boltann inn á teiginn þar sem Daði Snær er mættur og setur boltann rétt framhjá. Fyrsta alvöru færið!

Það eru Haukamenn sem eiga upphafssparkið hér í kvöld.

Góða skemmtun, vonandi fáum við veislu hér í kvöld!

Þorvaldur Örlygsson, formaður KSÍ, gengur hér ásamt formönnum knattspyrnudeildar Selfoss og Hauka. Með þeim eru heiðursgestir beggja liða og svo hlýðum við á lofsöng.

Undirritaður fór á Ölver fyrir leik og tók stemninguna hjá Haukamönnum og ræddi við Helga Fannar, blaðamann og mikinn Haukara.

Það verður seint sagt að Haukamenn hafa farið þægilega leið í úrslitaleikinn en fyrsti leikur liðsins í kepninni var gegn KFR, 3-0 sigur, áður en þeir mættu Reyni Sandgerði í 8-liða úrslitunum og unnu Sandgerðingana 3-2. Í undanúrslitunum mættu þeir Kormáki/Hvöt á Blönduósi og kláruðu Húnvetningana í vítaspyrnukeppni.

Haukar vann Lengjubikarinn í vetur og 2. deildina í sumar, í kvöld gefst tækifæri á að vinna heillögu þrennuna.

Selfoss endaði í 2. sæti í 2. deildinni í sumar eftir að hafa unnið KFG 2-1 á heimavelli í lokaleiknum, manni færri allan seinni hálfleikinn.

Selfoss vann sannfærandi 5-0 sigur á Álftanesi á heimavelli á dögunum í undanúrslitunum en þeir tóku Ými 4-0 í 8-liða úrslitunum. Í 16-liða úrslitunum fengu þeir Árborg á heimavelli líka og tóku þá 5-0. En fyrsti leikurinn þeirra í kepninni var gegn Höfnum á útivelli sem endaði með 3-1 sigri.

Þetta er annað sinn sem Selfoss tekur þátt í þessari keppni og annað sinn sem þeir komast á Laugardalsvöll. Árið var 2024 seinast þegar þeir tóku þátt í kepninni en þá vann liðið KFA í úrslitaleiknum og fóru einnig upp um deild það tímabil.

Heilir og sælir ágætu lesendur og veriði hjartanlega velkomin á Laugardalsvöllinn þar sem Selfyssingar og Haukarar mætast í úrslitaleik Fótbolta.net bikarsins. Bæði þessi lið enduðu í efstu tveimur sætum 2. deildarinnar sem gerir þau þá að tveimur bestu liðum kepninnar sem setur auka krydd í þennan leik.