FH konur geta verið mjög svekktar en ótrúlega stoltar eftir þennan leik! Gáfu Frankfurt liðinu ekkert eftir og áttu alveg skilið að labba af velli í dag með 0-0 stöðu og eitt stig,

En svona er víst fótboltinn og það er ennþá séns í Þýskalandi að stela þessu bara!

En takk fyrir samfylgina, viðtöl og skýrsla kemur inn síðar

FH konur að leita að jöfnunarmarkinu, spurning hvort þær finni það fyrir leikslok? Deja með hörkuskot en framhjá

A.m.k. 4 mínútur í uppbótartíma

Krumbiegel reynir fyrirgjöf en boltinn of langur

Þetta eru bara orðin algjör skrípaleikur, Brotið á Jónínu í skyndisókn hjá Frankfurt og svo er í kjölfarið dæmt á mackenzie og spjald

Í annað skiptið er norski dómarinn að sleppa því að dæma á hættulegum stað fyrir FH!

Krumbiegel með höööörku fyrirgjöf en Aldís kastar sér á boltann og bægir hættunni frá

Andrea Ránmeð hornspyrnu fyrir FH konur, setur hann frekar flatann bara nærsvæðið og þær skalla þetta auðveldlega frá

Thelma Lóa með góðan sprett en er tekin niður við teiginn, Ekkert segir dómarinn en þessu er ég nú ósammála!

Helena með fínan bolta upp í horn á Ingibjörgu sem er í kapphlaupi við Krumbiegel, kemst framhjá henni en missir svo boltann útaf, ég sá þetta nú sem hornspyrnu

Memeti tekur horn fyrir Frankfurt, setur þetta á teiginn en Aldís grípur þetta örugglega

Krumbiegel brýtur á Birnu, nær boltanum og á svo frábært skot í fjærhornið en Aldís frábærlega staðsett og grípur þetta! Ég sá þennan bara vera á leiðinni inn

Frankfurt konur fá hornspyrnu, boltinn á fjærhornið og hefði endað inni hreinlega en FH konur pössuðu línuna

Jónína tekur varamanninn Tolhoek niður í teignum

Blomqvist með boltann, þrengir færið alltof mikið eins og Freigang liðsfélagi hennar hér áðan og Aldís lokar þessu bara

Freigang kemst á hlaupið en hún þrengir færið hjá sér alltof mikið og FH konur ná henni og komast í þetta

Andrea Rán og Ingibjörg með sömu útgáfu á stuttu horni og áðan, Andrea setur hann svo á fjær þar sem er darraðardans áður en gestirnir ná að koma þessu frá

Hildur Katrín komin í góða stöðu en Krumbiegel kemst í þetta! Þarna munaði mjóu

Teulings kemst framhjá Mackenzie en rennur í færinu og Aldís á ekki í vandræðum með þetta

Krumbiegel með góðan bolta inn á teiginn, Freigang nær skallanum en boltinn yfir markið

Andrea Rán tekur spyrnuna en hún drífur ekki á fjærsvæðið sem hún var að miða á og þær hreinsa

Teulings brýtur á Hildi Katrínu,

FH konur sparka þessu fram og setja gestina undir pressu

Mjög sterkt fyrir FH konur að halda hreinu og fara inn í 0-0 stöðu gegn þessu liði

FH hefur samt alveg verið að stríða þeim og það er ekki að sjá á þessum fyrri hálfleik að liðin séu að spila á allt öðru getustigi miðað við mismun íslensku og þýskudeildarinnar

Væri gaman að sjá FH liðið pota inn einu marki og setja alvöru pressu á Frankfurt liðið

Tvær hornspyrnur hér í röð hjá Frankfurt, Jónína sterk í teignum og skallar þetta frá

Krumbiegel í dauðaaaafæri en Aldís er búin að vera með fókus síðan í gær bara og ver þetta frábærlega

Frankfurt konur taka hornspyrnu en ekkert kemur úr henni

Helena fellur í teignum en ekkert á þetta segir norski dómarinn

Andrea og Ingibjörg taka sér stöðu, þær taka þetta stutt sem endar með skoti? eða fyrirgjöf frá Andreu en boltinn flýgur framhjá markinu

Fer illa með Jamilla Rankin, sem lenti bara í þeytivindu, Hildur Katrín náð svo í enn eitt hornið

Andrea Rán og Ingibjörg taka sér stöðu, Andrea setur boltann á nær, þær koma þessu frá en þar er Hildur Katrín sem lætur vaða en Altenburg nær þessu

Hildur Katrín nælir í hornspyrnu fyrir FH

Andrea Rán, með spyrnuna, setur boltann á nærsvæðið þar sem Helena skallar þetta rétt yfir

Brotið á Ingibjörgu á hættulegum stað! Rétt við vítateigshornið!

Andrea Rán með spyrnuna, setur hann á fjær, það er Hildur Katrín fyrst á boltann, missir hann en Deja nær frákastinu og nær skotinu en það er rétt yfir markið!

Nia finnur Ingibjörgu upp í hornið, hún reynir að koma boltanum fyrir en Rankin rennir sér fyrir, Horn!

Memeti með svona 70 metra sprett, Deja ætlar að stíga hana og mæta, hún setur boltann áfram en samherji hennar hættir hlaupinu, hún hefði átt að láta bara vaða

Hildur Katrín kemur sér í fína stöðu, lætur vaða en beint á Altenburg í markinu

Ivelj með hörkuskot en Aldís lokaði horninu og boltinn yfir

Lundgaard brýtur á Helenu við hliðarlínuna ví línu við miðjubogann, Andrea Rán tekur spyrnuna, Deja nær skallanum en sóknarbrot í teignum dæmt

Rebecka Blomqvist í hööööörkufæriiii en rétt framhjá

Daaaaaauðaaaaaafæri þarna, skalli á fjærhornið frá Freigang en Aldís ver þetta

Nia brýtur á Memeti, þær taka þetta stutt aftur á markmanninn

Helena við það að þræða sig í gegn en er dæmd brotleg

Ivelji með fast skot utan af velli en það er framhjá

Memeti með hornið en ekkert kemur úr því

Jónína og Ingibjörg með góða varnarvinnu, koma í veg fyrir að Rankin og Memti geti valdið usla

Helena Errington með góða pressu setur Ivelj í vörn Frankfurt í vandræði en þær koma þessu þó frá

Fyrirliðinn Laura Freigang hefur leikinn fyrir okkur

Ég hvet alla til að bomba sér á völlinn! Það er góður dagur og fínasta veður til að stríða stórliði Frankfurt

Ef þið komist ekki á völlinn þá geti þið allavega fylgst með hér eða horft á leikinn hjá Livey!

Það ætti allavega enginn að láta þennan leik framhjá sér fara!

FH
Bræðurnir Guðni og Hlynur gera tvær breytingar á liði FH frá 1–0 sigrinum gegn Stjörnunni í síðasta leik. Hrönn Haraldsdóttir og Jónína Linnet koma inn í byrjunarliðið en Anna Heiða Óskarsdóttir og Hafrún Birna Helgadóttir taka sæti á varamannabekknum.

Frankfurt
Frankfurt sendir gríðarlega sterkt lið út á völlinn. Þýska landsliðskonan Laura Freigang er fyrirliði en með henni í byrjunarliðinu eru meðal annars Amanda Ilestedt, Sara Doorsoun og Rebecka Blomqvist. Ástralska landsliðskonan Hayley Raso er ekki með vegna leikbanns.

Þetta er ekki í fyrsta sinn sem Hafnfirðingur kemur við sögu hjá Frankfurt. Alexandra Jóhannsdóttir, uppalin hjá Haukum, lék með þýska félaginu á árunum 2021 og 2022 áður en hún hélt til Fiorentina á Ítalíu.

Niko Arnautis, þjálfari Frankfurt, ber FH vel söguna fyrir leik. Hann lýsir Hafnarfjarðarliðinu sem sterku og vel slípuðu liði sem skori mikið af mörkum og búi yfir góðri blöndu af ungum og reyndum leikmönnum.

Arnautis býst við sóknarsinnuðum og líkamlega krefjandi leik en segir Frankfurt ætla að taka stjórnina strax frá upphafi og sýna hvað í liðinu býr.

Stórstjarna í leikbanni

Ástralska landsliðskonan Hayley Raso verður ekki með Frankfurt í Kaplakrika. Hún tekur út leikbann eftir að hafa fengið rautt spjald gegn Paris Saint-Germain í undankeppni Meistaradeildarinnar.

Þrátt fyrir fjarveru hennar er nóg af stórum nöfnum í herbúðum Frankfurt. Þar ber helst að nefna fyrirliðann og þýsku landsliðskonuna Lauru Freigang, sænsku landsliðskonuna Rebecku Blomqvist og sóknarkonuna Erëletu Memeti.

View this post on Instagram

A post shared by Eintracht Frauen (@eintrachtfrankfurtfrauen)

Guðni Eiríksson, þjálfari FH, leynir því ekki að verkefnið sé gríðarlega krefjandi en segir jafnframt mikla tilhlökkun í herbúðum liðsins.

„Við förum bara óhrædd til leiks og vonandi náum við eitthvað að stríða þeim. Það væri frábært ef við náum því,“ segir Guðni.

FH er með eitt allra yngsta lið Evrópubikarsins og Guðni horfir ekki síður á leikina gegn Frankfurt sem einstakt tækifæri fyrir leikmenn sína. Þær fá nú að bera sig saman við eitt sterkasta lið Þýskalands og safna reynslu sem erfitt er að öðlast annars staðar.

„Þetta eru mínútur sem fara svo sannarlega í reynslubankann hjá ungum leikmönnum liðsins, að þurfa að díla við andstæðing af þessari stærðargráðu.“

Guðni segir það forréttindi fyrir FH að fá Frankfurt í heimsókn og hvetur ekki aðeins stuðningsmenn félagsins heldur allt áhugafólk um kvennafótbolta til að mæta í Kaplakrika og sjá stórstjörnur þýska liðsins með eigin augum.

Eintracht Frankfurt á sér gríðarlega sögu í Evrópukeppni. Félagið hét áður 1. FFC Frankfurt og varð fjórum sinnum Evrópumeistari á árunum 2001 til 2015.

Frankfurt komst alla leið í undanúrslit Evrópubikarsins á síðasta tímabili en féll þar úr leik gegn Häcken, sem varð síðar fyrsti meistari keppninnar. Þýska liðið kemur því til Íslands með skýrt markmið um að fara aftur langt í keppninni.

Ósigraðar í þýsku deildinni

Frankfurt hefur farið vel af stað í þýsku úrvalsdeildinni og er ósigrað eftir fyrstu fimm leikina. Liðið hefur unnið fjóra leiki og gert eitt jafntefli, skorað ellefu mörk og fengið fimm á sig.

Í síðasta leik lenti Frankfurt 2-0 undir gegn Mainz en sneri leiknum sér í vil með þremur mörkum á aðeins tólf mínútum. Marthine Østenstad, Nina Lührßen og Rebecka Blomqvist sáu um mörkin í 3-2 endurkomusigri.

View this post on Instagram

A post shared by Eintracht Frauen (@eintrachtfrankfurtfrauen)

FH er að taka þátt í Evrópukeppni kvenna í fyrsta sinn í sögu félagsins og hefur þegar skrifað nýjan kafla. Hafnfirðingar slógu Apollon Ladies frá Kýpur út, 2-1 samanlagt, í fyrstu umferðinni og fá nú eitt stærsta lið sem komið hefur í Kaplakrika í heimsókn.

FH kemur jafnframt inn í leikinn í mikilli titilbaráttu hér heima. Liðið vann Stjörnuna 1-0 í síðasta leik með marki Andreu Ránar Snæfeld Hauksdóttur á lokamínútunni og er jafnt Breiðabliki að stigum á toppi Bestu deildarinnar.

Evrópubikar kvenna er önnur af tveimur Evrópukeppnum félagsliða á vegum UEFA og fer fram samhliða Meistaradeildinni. Keppnin var sett á laggirnar á síðasta tímabili til að fjölga þeim liðum sem fá tækifæri til að spreyta sig á evrópska sviðinu.

Fyrirkomulag keppninnar er einfalt, þar sem um útsláttarkeppni er að ræða og allar umferðir, allt frá forkeppni til úrslita, eru leiknar heima og að heiman.

Breiðablik náði eftirtektarverðum árangri á síðasta tímabili en þær m.a. slógu út Spartak Subotica frá Serbíu og unnu síðan ævintýralegan sigur á danska liðinu Fortuna Hjörring í sextán liða úrslitum. Ferð þeirra lauk í átta liða úrslitum gegn Häcken, sem stóð að lokum uppi sem fyrsti sigurvegari Evrópubikarsins.

Blikarnir sýndu það að íslensk lið geta heldur betur látið til sín taka og hér fær FH sitt tækifæri til að halda áfram að skrifa söguna!

Á flautunni í dag verður Karoline Marie Jensen, henni til halds og trausts verða Helle Reiten og Victoria Nilsen aðstoðardómarar.

Fjórði dómari í dag er svo Maren Hatletvedt.

Verið hjartanlega velkomin í þessa beinu textalýsingu þar sem FH tekur á móti stórliði Frankfurt, á Kaplakrikavelli, í fyrri leik þeirra í annarri umferð undankeppni Evrópubikarsins

Leikurinn hefst á slaginu 16:00!