Þrátt fyrir sigur þá er Valur að detta niður um deild. Valskonur eru búnar að vera mjög góðar í dag, en einn leikur skiptir ekki máli þú þarft að spila vel í öllum leikjum.

Kimberley gerir mjög vel og leikur á varnarmann Fram en hún svo missir boltann frá sér.

Hamlett skallar framhjá marki Vals. Framarar með mikla pressu á Val núna.

+5 í uppbótartíma.

Þór/KA er komnar í 2-0 á heimavelli Víkings. Erin Flurey með markið. Valur þrátt fyrir að vinna eru að detta niður um deild.

Young tæklar Kimberley inn í teignum og Kimberley vill víti en dómarinn dæmir ekki neitt. Ekki í fyrsta skipti í dag þar sem þetta er í vafaatriði.

Raghneiður með flotta móttöku en hún missir svo boltann frá sér. Valur er enn í sókn og ætla ekki að pakka í vörn.

Þór/KA var að skora, María Dögg með markið og það þýðir að Valur er að detta úr deildinni.

Valskonur eru að tækla út um allt, það er passion í þeim.

Ragnheiður kemst í góða stöðu en skýtur í varnarmann.

Margrét er á kantinum og kemur með frábæra fyrirgjöf á Glódísi sem skýtur framhjá markinu, þetta átti að vera 2-0, hún verður að skora þarna. Ótrúlegt.

Vörn Vals er sofandi og Hamlett fær boltann og kemst framhjá varnarmanni Vals. Hamlett ætlar að vippa boltanum fram fyrir markið en sendingin fer yfir markið.

Young með skalla úr horni en Tinna grípur boltann.

Valur í sókn, Margrét keyrir inn í teiginn. Gilmore tæklar hana og dómarinn metur það að hún tók boltann en ég er ekki viss.

Fram kemst í sókn en þær missa boltann frá sér. Boltinn fer beint til Tinnu en hún panikar og Alda kemst í boltann en boltinn fer svo til Málfríðar sem kemur honum burt. Það er stress í Val!

Fram fær horn, Hamlett nær skallanum og boltinn fer yfir hana Tinnu en hún Helga skallar af línunni.

Harpa ýtir í Hawkins inn í teignum, Valur vill víti en fær ekki. Hawkins fer niður og liggur niðri. Dómarinn dæmir ekki neitt.

Hawkins kemur með sendingu inn í teiginn. Boltinn fer af Gilmore á Ragnheiði en Young tæklar boltann af henni.

Heimakonur byrja þessa veislu.

Þrátt fyrir að vera 0-0 þá er þetta búið að vera góður leikur, en Valur þarf að vinna og má búast við enn skemmtilegri seinni hálfleik.

Há sending inn í teig Vals en Lillý skallar burt.

Arnfríður situr Hawkins eina í gegn, vörn Frams er alveg galopin. Hawkins er 1v1 á móti markmanni og hún skýtur í stöngina og boltinn fer svo aftur í hina stöngina.

Þetta var algjört dauðafæri fyrir Val.

Margrét sendir í gegnum vörn Fram en það fer enginn í hlaupið, það er bara joggið góða.

Hamlett sendir fram fyrir markið og Málfríður er næstum því búin að skora í sitt eigið mark en boltinn fór af henni en heppilega beint í Lillý og Valskonur koma boltanum burt úr teignum.

Katrín Erla missir boltann frá sér á hættulegum stað en það vill enginn hjá Val skjóta, Hawkins kemst í góða stöðu en skýtur ekki og sendir boltann frá sér. Arnfríður fær svo boltann og skýtur beint í varnarmann.

Valur fær góða aukaspyrnu og Lillý tekur skot eða sendingu, það veit ég ekki.

Hár bolti inn í teig Frams, Margrét er hársbreidd frá því að koma boltanum framhjá Orkus í markinu og skora í opið markið.

Kimberley kemst inn í teiginn og í góða stöðu, lætur ekki vaða heldur rennir boltanum fram fyrir markið. Sendingin fer í ökklann hjá Arnfríði og burt, þetta var alvöru færi fyrir Val til þess að komast yfir.

Margrét dettur niður í teignum, Valur vill víti en fá ekki.

Hawkins með skot fyrir utan teig, Orkus ver skotið fyrir horn.

Fram kemst í hættulega sókn. Hár bolti inn í teig Vals en vörnin nær að koma boltanum burt.

Margrét með pressu á Young sem er í miklum vandræðum en hún nær að koma boltanum burt.

Valur er miklu meira með boltann en það er eitthvað sem vantar upp á eins og síðasta sending. Gæti verið að það sé stress.

Aftur kemst Valur í góða stöðu en þegar Hawkins ætlar að setja Margréti í gegn hikar hún og missir svo boltann frá sér.

Valur kemst í sókn en Margrét er of lengi að hugsa og stoppar sóknina. Hawkins endar á því að taka lélegt skot fyrir utan teiginn.

Fram loksins kemst í sókn en Valsvörnin er ekki í vandræðum með hana.

Lítið að gerast hingað til, Valur er meira með boltann.

Hár bolti inn í teiginn á Öldu sem skallar framhjá markinu. Alda var alveg ein og engin pressa sett á hana.

Ragnheiður fær boltann inn í teignum, lætur vaða á markið, en skotið fer í varnarmann og Orkus grípur boltann.

Bæði lið halda óbreyttu liði.

Valskonur byrja þessa veislu. Síðasta umferðin er byrjuð, lets go.

Í síðasta leik gerði Valur 1–1 jafntefli við Víking á Hlíðarenda. Hawkins kom Val yfir á 14. mínútu en sjö mínútum síðar jafnaði Þórdís Hrönn fyrir Víking. Ragnheiður Þórunn átti svo skot í slána fyrir Val í seinni hálfleik, en fleiri mörk voru ekki skoruð og endaði leikurinn 1-1.

Valur situr á botni neðri hluta Bestu deildarinnar með 21 stig. Þær þurfa sigur í dag til þess að halda í vonina um að halda sér í deild þeirra bestu, en sigur einn og sér dugar ekki. Víkingur fær Þór/KA í heimsókn og eru bæði liðin með 22 stig. Valur þarf því að treysta á jafntefli í þeim leik.

Þetta er ansi brött brekka fyrir Val, en maður hefur nú séð svona „miracle“ áður.


Valur hefur aðeins skorað eitt mark í neðri hlutanum og kom það gegn Víkingi í síðasta leik, þegar Emma Hawkins skoraði. Hawkins kom til Vals í sumarglugganum og hefur hún skorað fjögur mörk í sumar. Tvö gegn Grindavík/Njarðvík og eitt annað mark gegn Víkingi fyrr í sumar.

Hún hefur því verið mikilvægur hlekkur í sóknarleik Vals í sumar og verður án efa horft til hennar þegar liðið leitar að mörkum í dag.

Fram sigraði Þór/KA 2–1 á útivelli í síðasta leik liðanna. Með sigrinum tryggði Fram sér áframhaldandi sæti í deildinni og situr nú í efsta sæti neðri hlutans með 26 stig.

Fram komst snemma yfir þegar Sara Svanhildur og Young skoruðu mörk liðsins. Margrét Árnadóttir, leikmaður Þór/KA, minnkaði muninn úr vítaspyrnu á 36. mínútu, en lengra komust heimakonur ekki.


Alda Ólafs og Hamlett hafa verið afar öflugar saman sem fremstu sóknarmenn liðsins. Alda hefur skorað 11 mörk í sumar og Hamlett 12, eða samtals 23 mörk. Til samanburðar hefur Fram skorað 32 mörk í deildinni í heild. Það má segja að samstarf þeirra sé afar mikilvægt og hafi verið einn af lykilþáttunum í góðu gengi Fram að undanförnu.

Aðalbjörn Heiðar Þorsteinsson dæmir leikinn. Kristofer Bergmann og Sveinn Ingi Sigurjónsson Waage eru með flöggin. Brynjar Þór Elvarsson verður með skiltið.

Það er komið að síðustu umferð neðri hluta Bestu Deildar kvenna. Fram tekur á móti Val á Lambhagavellinum.