Stórkostlegur sigur Þórs 3-1 staðreynd. Og það sem meira er þeir eru komnir upp úr fallsæti fyrir lokaumferð deildarinnar.

Birnir Snær með frábært skot af um 18 - 20 metrum. Aron Birkir vel á verði og slær boltann í horn.

Mínúta til stefnu.

Skot eftir skot eftir skot frá liði Stjörnunar enda í varnarmanni Þórs.

Varnarleikur Þórs verið virkilega góður.

Andri Rúnar liggur eftir eftir viðskipti við Kevin Vazquez sem sveiflar hendinni beint í andlitið á honum.

Ég skal ekki segja hversu sniðugt það er beint fyrir framan nefið á ÞÞÞ og á gulu spjaldi.

Kevin Vazquez klárlega mjög heppinn að vera enn inn á vellinum.

Fær dauðafæri í teignum á silfurfati eftir vondan skalla úr varnarlínu Þórs, Einn gegn Aroni setur hann boltann fram hjá markinu.

Andri Rúnar með skalla úr teignum eftir snögga sókn Stjörnunar.

Boltinn vel yfir markið.

Christian Bjarmi í hörku skallafæri eftir hornið en setur boltann ekki á markið.

Vantaði sannfæringu þarna.

Heimamenn í basli eftir hornið og koma boltanum ekki frá. Kastast á milli manna og er á leið í netið þegar Aron Birkir slær hann yfir í annað horn.

Andri Rúnar með skalla að marki eftir langt innkast. Boltinn beint í hendur Arons.

Örvar við það að sleppa í gegn en nær ekki valdi á boltanum svo vel sé. Endar sóknina með skottilraun sem er óþarfi að eyða mörgum orðum í. Hún var léleg.

Leikurinn fer algjörlega fram eftir forsendum Þórsara. Þeim er að takast að hægja á leiknum og halda gestunum frá marki sínu.

Stjarnan ekki sýnt að þeir séu líklegir til að breyta því.

Lífsmark með Stjörnunni sem uppskera horn.

Mikið kraðak í teignum eftir hornið en ÞÞÞ blæs í flautu sína og dæmir brot á gestina.

Örvar Eggerts með brot og aukaspyrna þar með dæmd. Eru orðin ansi mörg hjá honum í dag heilt yfir.

Kristófer í allskonar brasi í vörn Þórs. Tapar boltanum til Örvars sem keyrir í átt að marki. Hann lætur vaða við vítateigslínu en skotið beint á Aron sem slær boltann í horn.

Leikurinn öllu hægari hér framan af síðari hálfleik en í fyrri hálfleik. Það hentar liði Þórs ágætlega eins og málin standa.

Gestirnir að hefja þetta með fótinn á bensíngjöfinni.

Vinna hér hornspyrnu.

Gestirnir sparka okkur af stað á ný. Með vindinn í bakið núna, ná þeir að nýta það?

Eftir erfiða byrjun tóku heimamenn öll völd á vellinum og uppskáru tvö góð mörk.

Munu leika gegn vindi í síðari hálfleik og spurning hvaða áhrif það mun hafa.

En þeir halda eigin örlögum í sínum eigin höndum núna. Nokkuð sem var ekki staðan fyrir 45 mínútum síðan.

Tökum okkur hlé og mætum aftur með síðari hálfleikinn eftir korter eða svo,

Fáum tvær mínútur í uppbótartíma að mér sýnist.

Örvar nær skotinu að marki úr teignum sem er á leiðinni inn, Alex Þór rennir sér í boltann til að reyna að tryggja það en Kristófer nær að skófla boltanum af línunni á allra allra síðustu stundu.

Verður áhugavert að sjá hvernig þetta mun þróast með tilliti til veðursins. Þór ráðið öllu á vellinum undan vindinum en mun það snúast í síðari hálfleik?

Þór vinnur horn.

Gestunum gengið afar illa að hemja boltann í vindinum.

Greko í frábæru skallafæri eftir aukaspyrnu. Fyrstur á boltann við markteiginn en skallar bolta í varnarmann og afturfyrir.

Þór með öll völd á vellinum.

Kannski vert að taka fram að bæði Ásbjörn og Sverrir voru að skora sitt fyrsta mark í sumar í dag.

Ágæt tímasetning það.

Birnir Snær með skot úr teignum en hittir ekki markið.

Heimenn með sterkan vind í bakið og stýrir leiknum þessa stundina.

Valur komið í 3-1 gegn KA

Einar Freyr í góðri skotstöðu, nær að hleypa af en skotið laust og beint á Árna.

Góður samleikur Einars Freys og Krístófers við vinstra vitateigshorn Stjörnunar endar með skoti frá þeim síðarnefnda. Fín staða en skotið laust og auðvelt fyrir Árna í markinu.

Guðmundur Baldvin og Bjarki Hauks fá sitthvort færið í sömu sókninni en hitta ekki boltann.

Báðir í góðri stöðu en fæturnir eitthvað að flækjast fyrir þeim.

Þórsarar slegnir eftir markið , jákvæðar fréttir berast þó norður. Valur hefur tekið forystuna gegn KA.

Þetta er farið af stað á Akureyri. Það eru heimamenn sem sparka okkur af stað hér.

Valur og KA eru jöfn 1-1 á Hlíðarenda þar sem nú hefur verið flautað til hálfleiks. Fari svo í lokin og vinni Þór verða Þór og KA jöfn að stigum. Tapi Þór hins vegar er fallið nánast staðreynd þó fræðilega væri mögulegt fyrir þá að bjarga sér. En KA á 23 mörk á Þór í markatölu svo það er eingöngu fræðilegur möguleiki.

Hjá Þór er Sigurður Heiðar Höskuldsson ekki að breyta sigurliði og teflir fram sama byrjunarliði og bar 1-0 sigurorð af ÍBV í síðustu umferð.

Stjarnan gerir fjórar breytingar á sínu liði frá tapinu gegn KA á dögunum. Sindri Þór Ingimarsson, Ibrahim Turay og Christian Bjarmi Alexandersson fá sér sæti á bekknum auk þess að Benedikt Warén tekur út leikbann. Inn í liðið í þeirra stað koma þeir Ari Leifsson, Jóhann Árni Gunnarsson, Sigurður Gunnar Jónsson og Alex Þór Hauksson.

Íþróttafréttamaðurinn Stefán Árni Pálsson tók að sér að spá í leikina þessa helgina.

Þór 1 - 1 Stjarnan
Þórsarar verða með yfirhöndina í leiknum, enda mun meira undir hjá þeim. En Stjarnan nær í ódýrt jöfnunarmark undir lokin og heimamenn missa risa 2 stig.

Þórður Þorsteinn Þórðarson er með flautuna hér í dag. Honum til aðstoðar eru Guðmundur Ingi Bjarnason og Kristofer Bergmann. Arnar Ingi Ingvarsson sér um hlutverk fjórða dómara og eftirlitsmaður KSÍ er Magnús Sigurður Sigurólason.

Líkt og síðustu vikur er allt undir hjá liði Þórs. Þeir þurfa að vinna og helst að treysta á að grannar þeirra í KA tapi stigum en þannig kemst Þór úr botnsæti deildarinnar.

Fari það svo að Þór vinni ekki hér í dag á meðan að KA vinnur sinn leik að Hlíðarenda eru Þórsarar fallnir. Þar sem leikur Vals og KA hefst klukkustund á undan leiknum hér má því reikna með að þjálfarateymi Þórs verði meðvitað um stöðuna þar en hvort það sé kostur eða galli skal ósagt látið.

Margir í Garðabæ geta eflaust vart beðið eftir því að þetta tímabil taki enda. Vonbrigði á vonbrigði ofan hafa verið þema tímabilsins og mikil ólga hefur verið innan félagsins. Margt hefur verið sagt og skrifað um liðið og hefur sú umræða oftar en ekki verið á heldur neikvæðum nótum.

Fréttir bárust þó úr Garðabæ í vikunni sem margir binda miklar vonir við að verði til þess að lægja öldurnar en tilkynnt var að Rúnar Páll Sigmundsson væri að snúa aftur til Stjörnunar og verður hann þjálfari liðsins á næsta tímabili.



Hvað leik dagsins varðar hafa gestirnir að fáu öðru en stolti að keppa. Liðið kemur þó á bakinu með 3-0 tap á bakinu gegn liði KA í Garðabæ um liðna helgi og þurfa að sýna mun betri leik í dag en þar ætli þeir sér að hirða stigin þrjú suður yfir heiðar.

Heil og sæl kæru lesendur og verið hjartanlega velkomin í þessa beinu textalýsingu Fótbolta.net frá leik Þórs og Stjörnunar sem fram fer á VÍS vellinum á Akureyri. Flautað verður til leiks klukkan 14:00