SKÝRSLAN: Dramatískur endurkomusigur Skagamanna
Hvað réði úrslitum?
Framarar komust yfir eftir aðeins fjórar mínútur en fengu síðan rautt spjald. Skagamenn nýttu sér það í seinni hálfleik og tóku forystuna en Framarar jöfnuðu skömmu síðar. Skagamenn skoruðu síðan tvö mörk í uppbótartíma og unnu leikinn. Það var í rauninni þessi sigurvilji í Skagamönnum sem réð úrslitum.
Bestu leikmenn
1. Kristófer Konráðsson (Fram)
Kristófer var stórkostlegur í kvöld. Skoraði tvö góð mörk og skapaði mikinn usla.
2. Baldvin Þór Berndsen (ÍA)
Miðvörðurinn var frábær í kvöld. Setti tvennu og fyrra markið var úr efstu hillu. Frábær frammistaða.
Atvikið
Þegar Rafael Máni Þrastarson kom ÍA yfir í uppbótartíma. Markið var hans fyrsta mark í efstu deild, skemmtileg stund fyrir hann.
Hvað þýða úrslitin?
Úrslitin þýða að Skagamenn koma sér upp í 4. sæti deildarinnar. Fram er í 3. sæti og ljóst er að þeir enda þar.
Vondur dagur
Freyr Sigurðsson fékk að líta rauða spjaldið snemma leiks. Set því vondan dag á hann, þótt sitt sýnist hverjum um dóminn.
Dómarinn - 7
Heilt yfir vel dæmdur leikur hjá lögmanninum, sem var þó ekki auðdæmdur.




