Arnar flautar af, frábær leikur að baki.

Ég þakka fyrir mig, viðtöl og skýrsla væntanleg.

Að minnsta kosti þrjár mínútur í uppbót.

Gísli Eyjólfs sker inn á hægri fótinn og tekur skotið en það fer í varnarmann.

525 áhorfendur á Lambhagavellinum í kvöld.

Kristófer fær boltann inn á teig Skagamenn, snýr og lætur vaða en skotið fer framhjá fjærstönginni.

Jakob Byström nær að pota boltanum á markið en Árni Marinó ver í horn.

Boltinn kemur inn á teiginn og Árni Marinó kýlir boltann afturfyrir.

Seinni hornspyrnan kemur inn á teiginn en Skagamenn skalla frá.

Framarar fá horn.

Fred kemur með boltann inn á teiginn en Skagamenn skalla frá.

Johannes Vall kemst upp að endamörkum, hann lyftir boltanum á fjær. Þar er Markús Páll einn og óvaldaður en hann skallar boltann í stöngina og út.

Skagamenn fá horn.

Gummi Tóta kemur með boltann inn á teiginn en Viktor Freyr kýlir frá.

Baldvin reynir sendingu í gegn en sendingin ratar ekki á samherja og Viktor handsamar knöttinn.

Ægir Jarl tekur skot fyrir utan teig gestanna sem fer í varnarmann og afturfyrir.

Boltinn kemur inn á teiginn og eftir mikið klafs hrekkur boltinn til Kennie en hans skot fer rétt framhjá nærstönginni.

Johannes Vall kemur með fyrirgjöf frá vinstri og Skagamenn fá horn.

Steinar gerir vel, fer á milli tveggja manna og hleypir af en skotið beint á Viktor Frey sem ver örugglega.

Már kemst upp að endamörkum og fellur við eftir að Baldvin stakaði aðeins við honum. Framarar vilja víti en afar lítið í þessu.

Fred fær boltann rétt fyrir utan vítateig gestanna og lætur vaða en skotið fer yfir markið.

Skagamenn fá fyrstu hornspyrnu seinni hálfleiksins.

Það kemur hár bolti inn á fjær og Erik Tobias nær skalla en engin hætta í skallanum.

Gestirnir hefja seinni hálfleik.

Virkilega skemmtilegur fyrri hálfleikur að baki!

Bæði lið hafa spilað vel en Framarar hafa skapað betri færi.

Tökum okkur korter.

Skagamenn fá horn.

Boltinn kemur inn á teiginn og Markús nær skoti og ÍA fær annað horn.

Fred lyftir boltanum á Má sem keyrir af stað. Már sér hlaup Kennie sem kemur á ferðinni.

Már laumar boltanum á Kennie á gullfallegan hátt en Kennie skýtur framhjá úr úrvals færi.

Spurning hvort Kennie hefði getað tekið eina snertingu þarna, það var enginn nálægt honum.

Fred gerir vel og vinnur hornspyrnu fyrir Fram.

Fred kemur með boltann inn á teiginn en Baldvin skallar frá. Í kjölfarið tekur Kyle skot rétt fyrir utan teig sem Árni Marinó ver auðveldlega.

Már vinnur hornspyrnu fyrir Framara.

Fred kemur með boltann inn á teiginn en Skagamenn skalla frá.

Gummi Tóta kominn í ágætis stöðu inni á teig heimamanna en í stað þess að láta vaða sendir hann boltann til hliðar á Markús Pál og sóknin rennur út í sandinn.

Erik Tobias sendir boltann til hliðar á Gísla Laxdal en hann missir boltann í markspyrnu.

Sókn Framara endar með því að Ægir Jarl tekur skot úr þröngri stöðu en það fer framhjá.

Frekar rólegt yfir þessu eftir rauða spjaldið.

Gísli Laxdal keyrir upp hægri kantinn og vinnur hornspyrnu fyrir Skagamenn.

Gummi Tóta kemur með boltann inn á teiginn en Framarar skalla í innkast.

Heimamenn hefja leik!

Rúnar Kristinsson, þjálfari Fram, gerir aðeins eina breytingu á liði sínu eftir svekkjandi 2-1 tap gegn KR.

Óliver Elís Hlynsson kemur inn í lið Framara. Hann er að byrja sinn fyrsta leik í kvöld.

Haraldur Einar Ásgrímsson fær sér sæti á bekknum.

Lárus Orri Sigurðsson, þjálfari ÍA, gerir sömuleiðis eina breytingu á líði sínu eftir 2-2 jafntefli gegn Íslandsmeisturunum.

Hinn 17 ára gamli Brynjar Óðinn Atlason kemur inn í lið Skagamanna. Hann er einnig að byrja sinn fyrsta leik í kvöld.

Viktor Jónsson fer á bekkinn.

Hlaðvarpsþátturinn Innkastið dettur inn seint í kvöld, þar verður sérstakur uppgjörsþáttur tímabilsins. Opinberað verður val á liði ársins, efnilegasta leikmanninum, besta leikmanninum, dómaranum og þjálfaranum.

Í Coke hljóðstofunni verða: Elvar Geir, Valur Gunnars og sérstakur gestur er Haukur Páll Sigurðsson.

Liðin hafa mæst tvisvar á tímabilinu. Í fyrri leiknum skildu þau jöfn, 3-3, í miklum markaleik á Lambhagavellinum.

Fram hafði síðan betur, 2-0, á Akranesi í lok júní þar sem Atli Þór Jónasson skoraði bæði mörk Framara.

„Það er huggur í því að vera betri aðilinn gegn KR og vera meira með boltann og töluverða yfirburði í skotum á markið og allri tölfræði en KR er með hörku gott lið, þeir hittu tvisvar sinnum á markið og í bæði skiptin fór boltinn inn'', sagði Rúnar eftir leikinn gegn KR.

Fyrir fjórum dögum kom fram að Kennie Chopart hefði framlengt samning sinn við Fram um tvö ár.

Kennie hefur verið besti maður Fram á tímabilinu og eru þetta því frábærar fréttir fyrir félagið.

„Nei, það hefur engin áhrif myndi ég halda. Maður er búinn að spila á þeim æðislega tíma, mánudegi klukkan 19:15 í allt sumar, þannig ekkert til að kvarta yfir þar. Ég er bara þakklátur að vera ekki í 20 metrunum á sunnudaginn,"segir Böddi um breytinguna.

Arnar Þór Stefánsson er aðaldómari í kvöld. Honum til aðstoðar eru Eysteinn Hrafnkelsson og Eðvarð Þór Eðvarðsson.

Gunnar Oddur Hafliðason er fjórði dómari og Ólafur Ingi Guðmundsson er eftirlitsmaður.

Heilir og sælir, lesendur góðir, og verið hjartanlega velkomin í beina textalýsingu frá Lambhagavellinum.

Klukkan 19:15 hefst leikur Fram og ÍA í Bestu deild karla.