Leitaðu í fyrirsögnum, texta eða eftir höfundi. Fyrsta slice notar staðlaðar fréttafærslur úr typed fixtures og heldur leitinni öruggri án backend-háðra SQL fyrirspurna.
Niðurstöður
Leit að "(Staðfest)" í fyrirsögn og texta skilaði 25171 niðurstöðum.
Leitin er nú fixture-backed og leitar eingöngu í stöðluðum fréttum. Leikir/skýrslur og endanleg backend-samningsleit eru enn ókláruð.
Fram tilkynnti í dag að Eyrún Vala Harðardóttir hefur skrifað undir tveggja ára samning við félagið. Hún kemur frá Stjörnunni en hún lék á láni með HK seinni hluta tímabilsins 2023. Eyrún er uppalin í Breiðabliki og lék sitt fyrsta tímabil í meistaraflokki með Augnabliki sumarið 2019.
Kjartan Kári Halldórsson hefur gert þriggja ára samning við FH sem kaupir hann frá norska félaginu Haugesund. Kjartan var á láni hjá þeim allt síðasta tímabil. Óskar Hrafn Þorvaldsson tók nýlega við þjálfun Haugesund. Kjartan er tvítugur vængmaður sem lék 24 leiki í deild og bikar með FH á liðnu tímabili. Í þeim skoraði hann þrjú mörk og lagði upp tvö. Kjartan var keyptur til Haugesund frá Gróttu eftir frábært tímabil 2022.
Varnarmaðurinn Magnús Þór Magnússon hefur lagt skóna á hilluna. Frá þessu var greint í hlaðvarpsþættinum <i>Gula Spjaldið</I> á föstudag og staðfesti Magnús tíðindin í samtali við Fótbolta.net í dag. Magnús er 31 árs og hefur borið fyrirliðabandið undanfarin ár.
Höttur/Huginn hefur fengið frá samningi við spænska miðjumanninn Rafa Llop og mun hann spila með liðinu á næsta tímabili.
Miðjumaðurinn Unnar Ari Hansson hefur fengið félagaskipti frá KFA til KFK. Unnar var fyrirliði KFA í sumar sem rétt missti af sæti í Lengjudeildinni. Hann er 25 ára og uppalinn í Fjarðabyggð/Leikni. Hann lék með Þrótti Vogum tímabilin 2021 og 2022.
Fanney Inga Birkisdóttir, markvörður Vals, hefur framlengt samning sinn við félagið.
Íslenska karlalandsliðið mun taka þátt í umspili um sæti á Evrópumótinu í Þýskalandi, en þetta varð ljóst eftir 3-0 sigur Tékklands á Moldóvu í kvöld.
Fram heldur áfram að styrkja liðið sitt fyrir komandi átök í Bestu deildinni. Rétt í þessu var greint frá því að Kennie Chopart væri genginn í raðir félagsins. Danski hægri bakvörðurinn skrifar undir eins árs samning við félagið en hann kemur frá KR. Hann lék undir stjórn Rúnars Kristinssonar hjá KR og fylgir honum í Fram, en Rúnar tók við stjórnartaumunum þar í haust.
Edda Garðarsdótir var í dag tilkynnt sem nýr aðstoðarþjálfari meistaraflokks kvenna hjá Breiðabliki. Frá þessu er greint á samfélagsmiðlum Breiðabliks. Edda er fyrrum landsliðskona sem aðstoðaði Nik Chamberlain síðustu ár hjá Þrótti. Nik söðlaði um og samdi við Breiðablik í haust og Edda fylgir honum yfir í Kópavoginn.
Vinstri bakvörðurinn Kristinn Jónsson hló að frétt þar sem fjallað var um ástæðuna fyrir því að hann verður ekki áfram hjá KR. Kristinn lék í sex tímabil með KR en kvaddi félagið fyrr í þessum mánuði með færslu á samfélagsmiðlum. Gregg Ryder, nýr þjálfari KR, segist hafa rætt við Kidda um mögulegt áframhald en Kiddi hafi ekki getað haldið áfram í KR þar sem æfingatímarnir hentuðu honum ekki. Gregg vill æfa í hádeginu, það kom fram í hlaðvarpsþættinum <i>Dr. Football</I>. Kiddi deildi frétt um málið á Facebook síðu sinni og setti tvo hláturkalla við færsluna sem er opin öllum. Það er hægt að lesa ýmislegt út úr því. Fótbolti.net hafði samband við Kidda í dag en hann vildi ekki tjá sig um færsluna.
Katrín Ásta Eyþórsdóttir hefur skrifað undir tveggja ára samning við Fram, en hún kemur til félagsins frá FH.
Aron Jóhannsson er genginn til liðs við Aftureldingu í Lengjudeildinni en hann skrifaði undir tveggja ára samning í dag.
Nenad Zivanovic og Arnar Logi Sveinsson eru búnir að skrifa undir tveggja ára samninga við Ægi og munu því þjálfa félagið eftir fall úr Lengjudeildinni.
Sádí-arabísku meistararnir í Al-Ittihad eru búnir að tilkynna samkomulag við argentínska þjálfarann Marcelo Gallardo.
Tomasz Luba er búinn að framlengja samning sinn við Árborg og mun þjálfa félagið í 4. deildinni á næsta ári.
<p>Helgi Sigurðsson hefur verið ráðinn aðstoðarþjálfari Fram en hann skrifar undir tveggja ára samning við félagið.</p>
D-deildarlið Colchester United, sem er með 20 stig eftir 17 umferðir í neðstu deild enska boltans, hefur ákveðið að ráða Matthew Etherington sem knattspyrnustjóra. Ekki er greint frá lengd samningsins eða öðrum atriðum.
HK er búið að staðfesta nýjan samning við lykilleikmann sinn Arnþór Ara Atlason.
KFA átti góðu gengi að fagna í 2. deild karla í sumar en rétt missti af sæti í Lengjudeildinni eftir fjörugar lokaumferðir.
Fram tilkynnti í dag að Telma Steindórsdóttir væri gengin í raðir félagsins og skrifar hún undir tveggja ára samning í Úlfarsárdal. Telma verður átján ára í næsta mánuði, hún er miðvörður sem kemur í Fram frá HK. Hún lék með Fram að láni seinni hluta síðasta tímabils.