Miðjumaðurinn Unnar Ari Hansson hefur fengið félagaskipti frá KFA til KFK. Unnar var fyrirliði KFA í sumar sem rétt missti af sæti í Lengjudeildinni.
Hann er 25 ára og uppalinn í Fjarðabyggð/Leikni. Hann lék með Þrótti Vogum tímabilin 2021 og 2022.
Hann er 25 ára og uppalinn í Fjarðabyggð/Leikni. Hann lék með Þrótti Vogum tímabilin 2021 og 2022.
Unnar lék 21 af 22 deildarleikjum KFA í sumar. Hann gengur í raðir KFK sem verður í 3. deild á komandi tímabili.
„Það verða breytingar á hópnum hjá okkur. Við missum nokkra lykilmenn úr byrjunarliðinu, nokkra af okkar sterkustu leikmönnum. Við þurfum að fylla þau skörð og það verður gert," sagði Mikael Nikulásson, þjálfari KFA, í viðtali við Fótbolta.net í gær.
„Við missum Unnar sem var fyrirliði hjá okkur og mjög mikilvægurr. Við missum einnig tvo Spánverja; miðjumann og hafsent. Svo einhverja nokkra í viðbót. Við þurfum að fylla þessi skörð og það er byrjað að vinna í því. Við erum ekki að fara mæta með slakara lið (til leiks)," sagði Mikael.
Athugasemdir
