Nína Zinovieva, fædd 2007, er búin að skrifa undir tveggja og hálfs árs samning við Fylki sem gildir út tímabilið 2024.
Nína hefur fest sig í sessi í byrjunarliði Fylkis í Lengjudeildinni þrátt fyrir ungan aldur.
Hún er uppalin í Árbæ og spilaði í gegnum yngri flokka Fylkis. Hún hefur spilað 13 meistaraflokksleiki með Fylki, þar af sjö í Lengjudeildinni.
Fylkir hefur ekki átt sérstaklega góða byrjun á deildartímabilinu og er í fallbaráttu með sjö stig eftir átta umferðir.
Nína hefur ekki spilað fyrir yngri landsliðin en hefur þó verið valin í úrtakshóp fyrir U16 ára liðið.
„Við Fylkismenn getum glaðst yfir þeim tíðindum að leikmenn haldi tryggð við félagið og ætli sér að koma því í deild þeirra bestu!" segir í færslu Fylkis á Facebook.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir