Ítalía: Roma unnið fimm af sex leikjum sínum undir stjórn De Rossi

Það er kominn betri bragur á Roma-liðið síðan De Rossi tók við þar sem margir leikmenn hafa fundið sig.

Lorenzo Pellegrini og Romelu Lukaku skoruðu með fjögurra mínútna millibili undir lok fyrri hálfleiks gegn Monza í dag áður en Argentínumennirnir Paulo Dybala og Leandro Paredes gerðu út um leikinn í þeim síðari. Heimamenn gerðu eitt mark undir lokin og lokatölur því 4-1 Roma í vil.

Frá því De Rossi tók við Roma hefur liðið unnið fimm af sex deildarleikjum sínum. Nú situr Roma í 5. sæti með 47 stig, einu frá Bologna sem er í 4. sætinu.

Torino og Fiorentina gerðu markalaust jafntefli í Tórínó. Heimamenn náðu að halda út þrátt fyrir að hafa spilað manni færri allan síðari hálfleikinn.

Udinese og Salernitana gerðu þá 1-1 jafntefli og var það svipað þar. Heimamenn spiluðu manni færri frá 64. mínútu eftir að Festy Ebosele fékk að líta rauða spjaldið.

Úrslit og markaskorarar:

Monza 1 - 4 Roma
0-1 Lorenzo Pellegrini ('38 )
0-2 Romelu Lukaku ('42 )
0-3 Paulo Dybala ('63 )
0-4 Leandro Paredes ('82 , víti)
1-4 Andrea Carboni ('87 )

Torino 0 - 0 Fiorentina
Rautt spjald: Samuele Ricci, Torino ('45)

Udinese 1 - 1 Salernitana
0-1 Loum Tchaouna ('10 )
1-1 Hassane Kamara ('45 )
Rautt spjald: Festy Ebosele, Udinese ('64)