„Helvíti svekkjandi. Mér fannst við góðir sérstaklega í fyrri hálfleik og við vorum með yfirhöndina allan leikinn og þá sérstaklega í fyrri hálfleik." sagði Hlynur Freyr Karlsson leikmaður Vals eftir 1-1 jafnteflið við FH á Origo vellinum í kvöld.
Lestu um leikinn: Valur 1 - 1 FH
Valur átti erfitt með að finna annað markið en FH voru að verjast gríðarlega vel
„Þeir voru bara ofboðslega þéttir til baka og það var erfitt að brjóta þá. Þetta var gríðarlega svekkjandi og við áttum að gera betur."
Hlynur Freyr Karlsson hefur byrjað mótið í miðvarðarstöðunni og var færður upp í djúpan miðjumann í síðasta leik gegn Víkingum þar sem hann var magnaður og byrjaði leikinn í kvöld í þeirri stöðu.
„Þetta hefur verið staðan mín frá því að ég var lítill og mér líður bara virkilega vel í henni."