England í dag - Man City stendur heiðursvörð fyrir Liverpool

Leikmenn City munu standa heiðursvörð fyrir Liverpool og er nokkuð ljóst að afar hart verður barist í þessum leik sem er fyrst og fremst uppá stoltið.

Mikil eftirvænting er fyrir þessa viðureign og þá sérstaklega í ljósi furðulegra aðstæðna þar sem Liverpool vann deildina mjög snemma. Þegar dagatalið var skoðað í byrjun tímabils voru margir sem spáðu þessum leik sem úrslitaleik um Englandsmeistaratitilinn.

Fyrr í dag er þó annar leikur þar sem Sheffield United og Tottenham eigast við í Evrópuslag.

Sheffield hefur gengið illa eftir Covid pásu og er Tottenham komið einu stigi fyrir ofan. Liðin eru sjö stigum frá Evrópubaráttunni.

Þá er einn leikur á dagskrá í Championship, þar sem Hull City tekur á móti Middlesbrough í fallbaráttuslag.

Hull er í fallsæti sem stendur, tveimur stigum eftir Middlesbrough.

Leikir dagsins:
17:00 Sheffield Utd - Tottenham (Síminn)
19:15 Man City - Liverpool (Síminn)

Championship:
16:00 Hull - Middlesbrough