Úr leiknum í kvöld.
Aðdragandinn að fyrsta marki Spánar í 3-0 sigrinum gegn Íslandi var ansi sérstakur. Sveindís Jane Jónsdóttir braut af sér þegar hún lenti í samstuði við Olgu Carmonu, leikmann spænska liðsins sem gaf boltann til hliðar áður en Sveindís mætti í hana, Sveindís fékk höfuðhögg en dómari leiksins lét leikinn halda áfram. Sveindís fékk svo gult spjald í kjölfarið.
Strax í kjölfarið skoraði svo Claudia Pina með skoti rétt fyrir utan vítateiginn. Íslenska liðið sofnaði á verðinum eftir að Sveindís féll til jarðar og nýttu þær spænsku sér augnablikshikið.
Í útsendingu frá leiknum fóru myndavélarnar strax á þær Sveindísi og Olgu og sást markið því ekki fyrr en í endursýningu. „Við missum af fyrsta markinu. Hvað í ósköpunum gekk þarna á?! Ég veit ekki hvort markið telji, hér er verið að draga upp spjöld, ég átta mig engan veginn á því hvað er í gangi, en markið telur líklegast. Claudia Pina er að koma Spánverjum yfir, farsi í Castellón!" sagði Gunnar Birgisson sem lýsti leiknum á RÚV áður en hann svo sá endursýningu á atvikinu. Atvikið má sjá í færslunni hér að neðan, klippan fer í gang við það að ýta á færsluna.
Strax í kjölfarið skoraði svo Claudia Pina með skoti rétt fyrir utan vítateiginn. Íslenska liðið sofnaði á verðinum eftir að Sveindís féll til jarðar og nýttu þær spænsku sér augnablikshikið.
Í útsendingu frá leiknum fóru myndavélarnar strax á þær Sveindísi og Olgu og sást markið því ekki fyrr en í endursýningu. „Við missum af fyrsta markinu. Hvað í ósköpunum gekk þarna á?! Ég veit ekki hvort markið telji, hér er verið að draga upp spjöld, ég átta mig engan veginn á því hvað er í gangi, en markið telur líklegast. Claudia Pina er að koma Spánverjum yfir, farsi í Castellón!" sagði Gunnar Birgisson sem lýsti leiknum á RÚV áður en hann svo sá endursýningu á atvikinu. Atvikið má sjá í færslunni hér að neðan, klippan fer í gang við það að ýta á færsluna.
Lestu um leikinn: Spánn 3 - 0 Ísland
Sveindís var spurð út í atvikið í viðtali á RÚV eftir leikinn.
„Ég fæ bara eitthvað högg á kjálkann og ég veit ekki alveg af hverju þetta er glt spjald. Ég hélt að ef maður fær höfuðhögg þá á að stoppa leikinn, en greinilega ekki í þetta skiptið."
Þorsteinn Halldórsson, þjálfari landsliðsins, var spurður út í atvikið eftir leikinn.
„„Maður er ekki endilega sáttur með fyrsta markið og aðdragandann að því, þegar það er höfuðhögg og samkvæmt reglum á að stoppa leikinn. En svona er þetta, svo fór sem fór," sagði Steini. Viðtalið við hann má sjá í spilaranum neðst.
Athugasemdir
