Spánn í dag - Stórliðin eiga heimaleiki

Tveimur leikjum af fjórum sem áttu að fara fram í gær var frestað en í dag vill La Liga að allir leikirnir sem eru á dagskrá verði spilaðir. Þetta er mikilvægt samkvæmt stjórn La Liga því það eru engar eyður á leikskipulagi liða fram að áramótum og því gæti þurft að fresta viðureignunum um marga mánuði.

Atlético Madrid tekur á móti Las Palmas í fyrsta leik dagsins áður en topplið Barcelona fær Espanyol í heimsókn.

Barca er með 30 stig eftir 11 umferðir, tíu stigum meira heldur en Atlético Madrid sem var að tapa sínum fyrsta deildarleik á tímabilinu í síðustu umferð - á útivelli gegn Real Betis.

Sevilla fær Orra Stein Óskarsson og félaga í liði Real Sociedad í heimsókn áður en Athletic Bilbao spilar við Betis.

Hvorki Sevilla né Real Sociedad hafa farið vel af stað á nýju tímabili og eru þrjú stig sem skilja liðin að í neðri hluta deildarinnar.

Leikir dagsins:
13:00 Atletico Madrid - Las Palmas
15:15 Barcelona - Espanyol
17:30 Sevilla - Real Sociedad
20:00 Athletic - Betis