Michael Duff rekinn frá Swansea (Staðfest)

Swansea er í 18. sæti deildarinnar, með 21 stig eftir 19 umferðir. Það er óviðunandi byrjun þar sem markmið félagsins fyrir tímabilið var að berjast um umspilssæti.

Duff er 45 ára gamall og lék sem miðvörður áður en hann lagði skóna á hilluna. Duff byrjaði stjóraferilinn með Celtenham Town, þar sem hann var í fjögur ár þar til Barnsley réði hann fyrir síðustu leiktíð.

Hann gerði flotta hluti hjá Barnsley og kom liðinu alla leið í úrslitaleik umspils League One deildarinnar, sem er þriðja efsta deild á Englandi, en tapaði úrslitaleiknum þar gegn Sheffield Wednesday.