Dean Martin, þjálfari Selfyssinga, var svekktur eftir að hafa tapað úrslitaleik B-deildar Fótbolta.net mótsins í kvöld.
Þróttur V. vann leikinn 6-2 en Selfyssingar misstu tvo menn af velli í leiknum.
Jökull Hermannsson fékk rautt spjald undir lok fyrri hálfleiks er hann braut af sér innan teigs og svo var Elfar Ísak Halldórsson rekinn af velli þegar lítið var eftir af leiknum.
„Þetta er svekkjandi fyrir strákana að tapa úrslitaleik. Þú getur kallað það hvað sem er þetta er leikur og við viljum ekki tapa," sagði Dean Martin við Fótbolta.net.
„Þetta er kannski ósanngjarnt stundum en þetta var sanngjarnt rautt spjald og víti. Þetta eru bara reglur og við verðum að fara eftir þeim."
„Þetta er tuska í andlitið. Núna þurfum við bara að koma okkur í gang aftur. Við erum búnir að styrkja liðið en þeir voru ekki að spila í kvöld."
„Við spiluðum fínan fótbolta á köflum í kvöld og er ánægður með það en ég er ekki ánægður með að fá sex mörk á okkur," sagði hann í lokin.
Athugasemdir