Elísa Viðarsdóttir var í liði Vals sem lagði Stjörnuna að velli í fyrstu umferð Pepsi Max-deildar kvenna.
Elísa var sátt með stigin en ekki spilamennsku liðsins. Valur vann nauman og ósannfærandi sigur.
„Stigin eru það sem skiptir mestu máli en spilamennskan hefði mátt vera mun betri af okkar hálfu. Við vitum að liðið okkar býr yfir mikið meiri gæðum en það sem við sýndum hérna í dag. Við munum klárlega laga þetta fyrir næstu umferð," sagði Elísa, sem var spurð út í möguleika Vals á Íslandsmeistaratitlinum. Knattspyrnusérfræðingar hafa spáð Valskonum titlinum í ár.
„Spá er bara spá og við vitum það manna best að við þurfum að mæta til leiks og spila mótið."
