mán 05. október 2020 13:48
Elvar Geir Magnússon
Þríeykinu sagt að mæta ekki strax til móts við landsliðið
Tammy Abraham, Ben Chilwell og Jadon Sancho í landsleik.
Tammy Abraham, Ben Chilwell og Jadon Sancho í landsleik.
Mynd: Getty Images
Tammy Abraham, Ben Chilwell og Jadon Sancho hafa fengið þau skilaboð að þeir eigi ekki að mæta strax til móts við enska landsliðið.

Enska knattspyrnusambandið er að skoða brot á sóttvarnareglum en leikmennirnir þrír voru í gleðskap um helgina.

Mögulegt er að þeir verði teknir úr enska hópnum.

Vinir Abraham skipulögðu óvænta afmælisveislu í London á laugardag en þar voru meðal annars mættir Sancho og Chilwell.

Abraham og Chilwell leika fyrir Chelsea en Sancho er hjá Dortmund.

Sex manna samkomubann er í Englandi vegna kórónuveirunnar og ljóst er að reglur voru brotnar í veislunni þar sem fleiri voru mættir þar. Abraham segir að allir gestir hafi verið hitamældir þegar þeir mættu í veisluna en hefur beðist afsökunar.

England er að fara að mæta Wales í vináttulandsleik og leikur svo gegn Belgíu og Dammörku í Þjóðadeildinni.
Athugasemdir
banner
banner
banner
banner
banner