Hasenhuttl nýr stjóri Southampton (Staðfest)

Hasenhuttl er fyrrum landsliðsmaður Austurríkis en hann hefur verið atvinnulaus síðan hann yfirgaf RB Leipzig í maí. Á stjóraferlinum hefur hann meðal annars afrekað að koma Ingolstadt upp í efstu deild í fyrsta sinn í sögu félagsins.

Southampton er í fallsæti í ensku úrvalsdeildinni með aðeins einn sigur úr fjórtán leikjum á tímabilinu.

„Sem þjálfari þá er hann með ástríðuna, kraftinn, hugmyndafræðina, vinnusemina og félagshæfileikana sem þarf hjá Southampton. Hann er með mikið hungur til að ná árangri í ensku úrvalsdeildinni og það skein af honum á fundum," segir Ralp Krueger, stjórnarformaður Southampton.

„Ralph er með hæfileikana til að kenna leikinn og þróa hæfileika. Það hefur sýnt sig og þess vegna er hann hinn fullkomni kostur fyrir okkur."

Kelvin Davis verður aðstoðarmaður Hasenhuttl en hann var í þjálfarateyminu hjá Mark Hughes og stýrir Southampton í leiknum í kvöld.