Lars Lagerback kominn í starf í Svíþjóð

Þessi 77 ára gamli Svíi gerði stórkostlega hluti með íslenska landsliðið eins og alþjóð veit en hann stýrði liðinu frá 2011-2016 ásamt Heimi Hallgrímssyni. Liðið fór á EM 2016 og vann England í 16-liða úrslitum.

Hann er kominn í félagsliðaboltann í Svíþjóð en hann verður aðstoðarþjálfari Gif Sundsvall. Hann verður einhverskonar ráðgjafi Per Joar Hansen, sem er nýráðinn þjálfari liðsins.

Lars stýrði síðan norska landsliðinu frá 2017-2020 en þar var Hansen aðstoðarþjálfari.

„Ég verð ekki hér að fullu og ekki einu sinni nálægt því. Þá ákveður Per hvað ég get gert hér og í fjarlægð," sagði Lars.

Sundsvall féll úr næst efstu deild á síðustu leiktíð.