Byrjunarlið ÍA og Fram: Tvær breytingar á hvoru liði
Haukur Andri Haraldsson, fæddur 2005, fær tækifæri í mikilvægum leik gegn Fram.
Mynd: Fótbolti.net - Sævar Geir Sigurjónsson
Haukur Andri Haraldsson, fæddur 2005, fær tækifæri í mikilvægum leik gegn Fram.
Mynd: Fótbolti.net - Sævar Geir Sigurjónsson
ÍA og Fram mætast í leik sem gæti reynst gríðarlega mikilvægur fyrir Skagamenn sem verma botnsæti Bestu deildarinnar þegar aðeins fjórar umferðir eru eftir af tímabilinu.
ÍA er fimm stigum frá öruggu sæti og þarf sigur gegn nýliðum Fram sem hafa verið flottir í sumar og sigla lygnan sjó með 28 stig eftir 23 umferðir.
Byrjunarlið dagsins má sjá hér fyrir neðan þar sem heimamenn gera tvær breytingar á liðinu sem tapaði í Keflavík í síðustu umferð. Haukur Andri Haraldsson og Alex Davey koma inn í byrjunarliðið fyrir Tobias Stagaard og Oliver Stefánsson sem er í leikbanni.
Gestirnir úr Úlfarsárdal gera einnig tvær breytingar á sínu liði þar sem Albert Hafsteinsson og Orri Gunnarsson koma inn fyrir Óskar Jónsson og Jannik Holmsgaard. Óskar er í leikbanni.
