Byrjunarlið KR og Vals: Aron Snær í markið - Birkir Már á bekknum

Byrjunarliðin hafa verið tilkynnt og eru nokkrar breytingar á báðum liðum. Á liði KR eru þrjár breytingar. Grétar Snær Gunnarsson og Stefán Árni Geirsson taka út leikbann hjá KR og inn í liðið koma þeir Þorsteinn Már Ragnarsson og Pálmi Rafn Pálmason. Þá stendur Aron Snær Friðriksson á milli stanganna og Beitir Ólafsson tekur sér sæti á bekknum. Finnur Tómas Pálmason snýr aftur í leikmannahóp KR sem og Aron Kristófer Lárusson. Þá er hinn ungi Patrik Thor Pétursson (2005) á bekknum.

Hjá Val eru einnig tvær breytingar. Patrick Pedersen snýr úr leikbanni og kemur inn í liðið og Lasse Petry kemur einnig inn í liðið. Fyrirliðinn Haukur Páll Sigurðsson byrjar á bekknum og Guðmundur Andri Tryggvason gerir það líka. Það vekur athygli að Birkir Már Sævarsson er að snúa til baka úr leikbanni en þarf að gera sér það að góðu að byrja á bekknum. Arnór Smárason snýr þá aftur í leikmannahóp Vals.