Byrjunarlið Stjörnunnar og Keflavíkur: Ari Leifs en enginn Árni Snær - 17 ára í liði Keflavíkur

Jón Þór Hauksson, þjálfari Stjörnunnar gerir 3 breytingar eftir 2-3 úti sigur gegn Val í síðustu umferð. Árni Snær markvörður var að gifta sig og spilar ekki, Darri Bergmann kemur í hans stað. Þorri Mar fer á bekkinn en Guðmundur Kristjáns fór af velli meiddur gegn Val og er þá ekki á skýrslu. Ari Leifs byrjar sinn fyrsta leik fyrir Stjörnuna, Bjarki Hauks byrjar líka.

Haraldur Freyr Guðmundsson, þjálfari Keflavíkur gerir 2 breytingar eftir 3-0 heimasigur gegn KA í síðust umferð. Eiður Orri Ragnarsson fékk rautt í síðasta leik og Marin Brigic er í leikbanni vegna uppsafnaðra spjalda. 17 ára gamall Egill Valur Karlsson byrjar sinn fyrsta leik fyrir Keflavík og Baldur Logi Guðlaugsson byrjar líka.